La Enqera ra pîya, xêlê sûkan de kesî goş nêda qedexeyanê dewlet û bi merasîman kesê ke weşîya xo kerdî vinî vîrard.
71 kesî gerîyay bin çim
Enqera de şarî verê xo da cayê biyayîşî. Bi hezaran kesan rixmê barîqatan û herîşê polîsan cayê biyayîş de ame pêhet. Polîs pê gaz û plastîk mermî şekîg rê herîş ked. Xelyek kesî darbî, darbijînê niweşxane rê dariyayî we. Hûnca en kemî 71 kesî zî geriyay bin çim. Îdarekaranê HDP û EMEP pa xelyek îdarekarê partiyan siyasî û Saziyan Sivîlan zî tewr bî û vera komkiştene hêrsê xo arde zûn. Eşkerakerdiş de vaciya ke, 'eke rojê komkiştene şima ehend barqatî binayin ro, komkişten nêbînî.' Bado zî hemserokê peroyê HDP Selahattîn Demîrtaş qalkerd. Demîrtaşî verra xedexê hêrsê xo damûsna û vat: “Merdim û ûmbazê şehîdan rê şima destûr nêdanê şehîdanê xo yad bikerî, la walî beg pê dest de vilikan şino cayê biyayîşî û vano 'no dej dejê mayo.’ Hesabê na kewpazelixe îtayî şima ra persîyena.
Qetlîama Enqera sûkanê zey Edena, Îzmîr, Stenbol, Semsûr, Dersim, Çanakkale û xêlê cayanê bîn de zî protesto bî. La quwetanê dewlet nê cayan de zî mudaxaleyê protestoyan kerd û nûmayişkaran derp kerd, bi desan kesan zî girot bin çim. Nûmayişê protestoyî yê Zangehê Stenbol de zî 30 wendekarî girotîyay bin çiman.
NAVENDÊ XEBERAN