OLVA HAC MENSÛR / ANHA / HESEKÊ
Cinîya bi nameyê Xalsa Ehmeda 40 serreyî ke qezaya Dirbesîyê ya Kantonê Hesekê de cuyena, zafaneyê emrê xo bi nebatan derbaz kerda. Xalsa Ehmede nebatan ra darûyan virazena û dîyar kena ke aye nê karî dapîra xo ra musaya. Goreyê Xalsa Ehmede darûyê ke nebatan ra virazîyenî, yê kîmyewîyan ra başêr î.
Xalsa Ehmede derheqê nebatan de melumatan arê dana û darûyanê neweyan kifş kena. Xalsa Ehmede nika zî amadekarîya nuştişê kitabanê erebkî û kurdî kena. Kitab de kamcîn nêweşîyan de kamcîn raybazê tedawî û kamcî darûyî estbî, do ca bigîrî.
Xalsa Ehmede daye zanayene ke armancê aye yê nuştişê kitabî o yo ke wa merdimî feyde bivînî û nebatan bişinasnî. Xalsa Ehmede dîyar kerde ke darûyê ke nebatan ra virazîyenî, bitemamî tebîî yî.