Aktîvîstê komeleya bi nameyê Kooperatîfê Cinîyan yê Umut Işigi ke verê cû seba qezaya Sûrî ya Amedî xebatî kerdbî û dima ra wextê qedexeyê tebervejîyayîşê kuçeyan de mecbûr mendbî padîyo, nika zî xebatêka cîya daya dest pêkerdene.
Aktîvîstan par taxa Zîya Gokalpî de banêko bi temamî xira bibi, newe ra viraştbî û domanan reyde ê banî boyax kerdbî. Aktîvîstan nameyê ê mekanî kerdbî ‘Komeleya Hêvîyê Rengûrengî’. Na komele nika zî seba domanê ke pêkaykerdoxê (çîyê ke domanî pê kay kenî) înan çin î, Kitabxaneyê Pêkaykerdoxan akerde. No kitabxane pêkaykerdoxê ke xeyalê domanan aver benî, şîddetî domanan ra durî tepîşenî, cînsîyetperestî û cîyakarîye esas nêgênî ra pê yeno. Komeleye medyaya komelkî ser ro seba piştîdayîşî veng daye herkesi ke wa hetkarîya pêkaykerdoxan bêro kerdene.
Heta nika piştîdayîşê ke mîyanê welat û teberê welatî ra ameyî dayene, komeleye xo resnayo xeylê domananê Sûrî. No kitabxane bi sîstemê endamtîye xebetîyeno. Domanî yenî, pêkaykerdoxêk gênî û hewteyêk ra dima ê pêkaykerdoxî anî û yewna reyde bedilnenî.
PÎRHA / STENBOL