Na newe pergale ser endama Konseya Rayverîya KJKî Rûken Garzan qise kerd. Garzan vat ke no bedilyayiş bi pergalî yo û wina vat: “Ma seba hîna weş famdayişê KJKî, rayvistbîyîşê KJBî vîr bîyarê. Yew partîya cenîyeke ganî zereyê rayvistbîyîşê vîrdozîyî de bibo, na raştî ra vejîya û ser edetîya Yewîtîya Azadîya Cenîyê Kurdistan (YAJK) û Partîya Cenîyê Azad (PJA), Partîya Azadîya Cenîyê Kurdistan (PAJK) saz bi.”
Garzan aşkera kerd ke Rayverê Şarê Kurd Abdullah Ocalan waşt bi rayverîya PAJKî vîrdozîya xelisnayişê cenîyê bido cuyayişê û wina donma: “YJA Star zî hem pawiyayişê cenîyê hem zî pawiyayişê pergala cenîyê name kerd. Çika rolê PAJKî muhîm o se ona rolê YJA Star zî muhîm o. YJA zî hêzê komeleye vet berz û çarçiweya no zî rayvist kerd. Hewna binê awanîya KJBî rayvistişê cenîyê ciwan saz bi. Nê çar rayvistişê ma di serra 2005’ê binê awanîya KJBî saz bîyê. Bi KJKî zî no modela rayvistişê ser bedilnayişî ame şîyîş. KJB yew rayvistişê awanî bi la KJK yew pergal a. Ser rayvistişîyê awanîyê xobixo pêrabestişê xo ser rayvist kerdî. Yanî her embaz warê temsîlkerdişê KJBî de ca girewtî. Rayverî zî xo çarçiweya rol û karê rayvist kerdî. Newe pergale de zî rayverî bi îradeya kurultaye yena weçînayiş. No nuqteyeke muhîm o. Di rayvistişê KJBî de cewherî û xoser yew rayvistişî estbi la nika çar pêrabestî hêzê esasî.”
YA RAYVISTIŞÊ YJA
Garzan dîyar kerd ke êdî YJA ameya feskerdiş, feskerdişê YJA netîceya teknîkî yew bedilnayiş nîyo, tam çewte di komeleye de rayvistbîyîşê KJK reyde elaqa yo û wina domna: “Verên KJB, di warê komeleye de bi YJA temsîlîyetî a estbi, nika zî bi KJK Rojawan, Vakur, Rojhîlat, Vaşûr û teberê welatê bîyîşê yew modeleke, xobixo modela komun û meclîsan reyde rayvist bikero. Finak di Qamişlo de meclîsê KJK bêro ronayiş, tabî no meclîs zî sifteyin tax, qeza, dew û semtan de bi meclîs şenik bikero, di navendan de zî xobixo bi gird meclîs reyde saz bikero. Komun yew şekla cuyayişî yo. Eke pergal tena xo bi xo yew meclîs ser rayvist bikero, no zaf burokratîk bibo, no ser zî bîyîşê komunan muhîm o.”
ŞEKLA KOMUN ESAS A
Garzan vat ke pergala Konfederal xo ser şekla komunî esas gêna û qet waran de bê rayvist nêmaneno û wina donma: “Komun îfadeya renga cuyayişê ma yo. Finak yew şaristanê komuna ekonomîyê yena viraştiş, na komun di no şaristanî de lazimeya ekonomîka şaristanî dîyar kena. Awanîya komunî, dewlemendîya û mekanîzmaya hilberinî ser cigêrayiş kena û peynî nê esasan ser xo rayvist kena û sazîyê xo înşa kena. Meclîs zî rola pergala xo kaykena û temsîlîyeta heme warê cuyayişê kay kena û bi meclîsî zî êdî şar xobixo îdare bikero. Hêzêke biwazê na pergale daxîl bibî, eşkenî daxil bibî. Finak şarê ermenî, ereb, tirk û kam şarî bibo se bila bibo, her kes eşkenî no meclîsî de temsîlîyeta xo dîyar bikerî la rêz mojnayiş şert o.”
Sazbîyîşê huqûqê cenîyan şert bi
GARZAN arz ziwan ke cenîyan paradîgmayê xo ser verba çar sutunê xo înşa kerdî û nê sutunan zî zayendperestî, nijadperestî, îlîmperestî û dînperestî yo û wina dewam kerd: “Eke kesekê nê çar sutunî red bikerî, bi rengê xo, bawerîya xo, bîyîşê xo, ziwan û îrade xo eşkenî xobixo rayvist bikerî û beşdarê meclîsan bibî. Taybetê di komeleye de pirsgirêkê cenî û verba cenîyê şuxulnayişê hêriş zaf o, pergala faşîst ma eşkenî bivajî ke qetilkarî cenîya. Verba na pergale zî huqûqê cenîyê şert bi, zatî huqûqê cenî zî huqûqê dewlet ra alternatîf o. Di warê komeleye de armancê ma têkoşîn dayiş o.”
BEDILNAYIŞÊ SEMBOL
Garzan vat ke taybetê mojnayişê pergala konfederale ser, ê modela beyreqê zî bedilnay û wina peynî kerd: “Finak êdî di beyreqî ma de gilê zeytûne, sterk û roj est î. Ma êdî sembolan rewşa tabûyê ra nêanenî, ma zey nirx dest gênî. Semboleke ma weçînay heme nirxê têkoşîna ma temsîl kenî. Gilê zeytunê kultur û keda cenîyê temsîl kena, di mîtolojî û bawerîyan de hembarî cenî û sterk weş yena zanayiş. Eynî demî zî sosyalîzmî îfade kena. Roj hem rayverî ma hem zî roşnî îfade kena.”
BEHDÎNAN