Bi vengê Komîsyonê Sivîl ê Tirkîya ya YEyê do 1 Teşrîne bi dirûşmeya ‘Merdimatî û Kobanê rê verba DAIŞê dinya meşîyena’ çalakîyê global bêrêviraştiş. No meşê global do di Parîs, Rennes, Strasbourg, Basel, Koln, Hamburg, Berlîn, Bremen, Frankfurt, Nurnberg, Freîburg, Stuttgard, Oslo, Stockholm, Goteborg, Kopenhag, Vîyana, Atîna, London, Den Haag, Bruksel, Helsînkî, Kibris, Îtalya, Hîndistan, Japonya, Amerîkayê Latîn, Amerîka û Pakistan de bi eynî demî bêrokerdiş. Seba na meşê globalê sazîyê komeleya sivîl, tevgerê sendîka, rayvistişê heqê merdimatî û tevgerê aştîyê komîteyê çalakîyê ronay.

FAŞÎZM RA BERTEK
Meşî ra hîna weş beşdarbîyîş rê do ser televîzyon, rojname, radyo û çapemenîyê komeleyê ser veng bêrodayiş. Taybetê no vengdayişê sîyasetmedar, merdimê îlmî, roşnvîr, huqûqnas, rojnameger û fîlîzofan bikerê. Mîyanê di nê kesan de wayîrî Xela ya Aştîya Nobelê Adolfo Perez Esquîvel, ziwanzan Prof. Noam Chomsky, verên wekîlê PEyê Luîs Morgantînî, endamê Kamaraya Lord û Awamê Brîtanyayê est ê.
Belgeyê vengê bi sernameyê ‘Verba DAIŞê, Kobanê rê di pêroyina dinyayê de çalakî’ ame weşankerdiş. Di belgeyê vengê de ame vatiş ke omidê şarê Kobanê tena hêzê YPG/YPJ ê û wina vat: “Par kurdan di Rojawan de bi hîrê kantonê pergala xo ya otonomî dar vistbî. Nê kantonan ra Kobanê di Tirkîyayê de reyde sînor o û dorûverê di kanton zî hetê DAIŞ ameya dorpêçkerdiş. DAIŞ bi çekê giran a Amerîka nika hêrişê Kobanê kena û bi hezaran merdimê nika di Kobanê de binê teluke ya qirkerdişî de yê. Verba nê cinawaran hêzê kurd bi çekê sivik têkoşîn danê û şarê Kobanê tena hêzê YPG/YPJî ra bawer kenî.”

XEBATÊ ÇALAKÎ
Di aşkerayê de dîyar kerdî ke ganîyo ke di pêroyina dinyayê de seba Kobanê çalakîyan bêroviraştiş û wina domna: “Na çalakîyê global ser pêroyina dinyayê de komîteyan amey darvistiş. Di nê komîteyan de rayvistişê çep, rayvistişê şorişgerê tirk, partîyê sîyasî, şaxsîyetê polîtîk û rayvistişê cenî ca gênê. Di Parîs de çarçiweya çalakîyê Raşteyê Bastîlleyê beşdarwanê kom bîbê û bimeşî. Do çalakîyê ra Konseyê Kurd ê Demokratîka Fransayê, Partîya Komunîst, sazîyê keldanî, ermenî û çepî, rayvistişê şorişgerê tirkîyayijê, sendîkayan û rayvistişê komeleyê sivîl beşdar bibê.”

SER FACEBOOK TORRE

Seba çalakîyê di ser Facebookî bi nameyê ‘Journee Mondîale Pour Kobanê’ rîpel ame akerdiş. Bi no rîpelê vengê çalakîyê, afîş, meteryal û agahîyê çalakîyê ser Facebookî bêro vilakerdiş.


SELMA AKKAYA/PARÎS



Dema dema kurdan reyde têkilî ronayiş o


Verba çetiyê DAIŞî têkoşîna hêzê YPG/YPJ rojê 40’ê ra kewt û no xoverodayişê Kobanê ra wayîrvejîyayişê rê bi berpîrsîyarê ya rayvistişê komeleya sivîl û şaxsîyetan do 1 Teşrîne pêroyina dinyayê de merdimê bivejê kûçe û waran bimeşî.
Belgeyê vengê bi sernameyê ‘Verba DAIŞê, Kobanê rê di pêroyina dinyayê de çalakî’ ameybi weşankerdiş û no belgeyê ra Prof. Dr. Andreas Buro û Prof. Dr. Ulrîch Gottsteîn û Dr. Gîsela Penteker zî îmze eştbî. Nê roşnvîran beşdarbîyîşê meşî rê her kesî ra veng day.
Prof. Dr. Andreas Buro vat ke eke Kobanê ra hetkarî bêro se dayiş do kobanê bibo sembol û wina domna: “Kese demokrat qet di babetê Kobanê de elaqadar nêbenî û seba menfaetê xo têgerîyenê. Heme polîtîkayê mîyanêneteweyî do Kobanê de dîyar bibo. Pêroyina dinya de do çalakî û çalakîyê paştîdayişê bêro viraştiş.”
Hewna Prof. Dr. Ulrîch Gottsteîn aşkera kerd ke heme almanan ameyoxê şarê kurd, êzidî û xirîstîyanan ra etîrê, înan bi heyranê têkoşîna YPG/YPJî temaşe kenî û înan hukûmata Almanyayê ra di babetê hetkarîdayişê rê veng danê û çimkî verba DAIŞ ganîyo ke her kes têkoşîn bidê.

Dr. Gîsela Penteker ciresna ke ey her roj xeberê Kobanê temaşe keno û hêrs beno, çimkî hêzê YPG/YPJî verba çeteyê DAIŞî têkoşînê dîroke danê la belê çeteyan verba na têkoşînê çeteyan heme rayîrê leyminî şuxulnenê. 

BERLÎN



Cenî xoverodayişê xo ra wayîrvejîyenê


Di Ewropayê de kurdan destpêka hêrişê çeteyê DAIŞê ra nika di mîyanê xoverodayişê de yê. Cenîyê kurd bi domanê xo meş û mîtîngan ra bi aktîfê beşdar benî û bi însîyatîdê xo çalakîyan dar visnenê. Hewna cenîya bi çarçiweya xoverodayişê Kobanê xebatê dîplomasîyê kenî.
Tevgera Cenîyê Kurd ê Ewropa di Maînza Almanyayê de nê hîrê rojo ke stand akerdo.  Cenî di standî de seba xoverodayişê Kobanê û Şengal ewropayijan ra agahî danê û seba maxdûran hetkarî kom kerdî.
Xebatê ser cenîyê kurd Zîlan Ay vat ke înan di nê standan de agahî ewropayijan di babetê xoverodayişê Kobanê û Şengal danî û ewropayijan zî elaqayeke gird mojnenê.

TIRK BEŞDAR NÊBENÎ
Hewna Dîlan Yavuz zî vat ke înan seba merdimatî ra hetkarîyê di noca de yê.
Yavuz wina vat: “Verba hêrişê çeteyê DAIŞî çew vengê xo nêkeno. Her kes kurd ra merdimê rewa veynena. Wazenê her tim ser ma îşkence û hêriş bêro kerdiş. Ma nêwazenê birayê ma ra hêriş bêrokerdiş. Ma hetê birayê xo de yê. Ma hetanê peynî înan reyde têkoşîn bidê. Ma her tim seba Kobanê çalakîyê xo bidomnê.”

Emîne Ayna zî ciresna ke cenîyê kurd Kobanê rûmetê xo veynenê, no ser zî Kobanê ra wayîrvejîyenê û ganî heme kurd di Kobanê wayîr bivejê.

MAÎNZ