Qezaya Dersim Pilêmurîye de mintiqayê Kutudere de, roja verî helîkopteranê Kobra welatijê ke şîbî seyrane bombarduman kerd. 6 kesê ke raştê bombarduman amey bî dirbetin.
Dirbetinan ra Ozdal Donmez wedarîya nêweşxaneyê Erzêrûm, Pinar Aydin wedarîya nêweşxaneyê Elezîz.
Waya Ozdal Donmez’î Nerîman Donmez da zonayen ke wexto ke birayê xo bi ambûlansî berdî nêweşxaneyê Elezîz, raştê kerdenanê lîncî amey û aşkere kerd ke, rîwalê tîvarîye birayê xo berdî nêweşxaneyê Erzêrûm. Pinar Aydin ke amelyat bî, rewşê ci giran o. Derheqê 4 kesê ke bombardûman de bî dirbetin de zanayîşî nêamey girewten.
Rayîrê 3 qezayan amey girewten
Heto bîn ra, kişta operasyonanê lejkerî û qedexeyan, Dersim de rayîrî zî yenê girewtiş. Tewr peynî de bi behaneyê operasyonê leşkerî rayîrê qezayanê Pulur, Pilêmûrîye û Qisle bi wesayîtanê zirxî şîyayîş û ameyîşî rê amey girewten. Ser rayîrê ke amey girewten de xeylê wesayîtî amey vindernayen. Welatijan nayî rê nêrazîbîyayîş damûsnay. Nîno zanayen ke do çiwext rayîrî bîrê akerden.
DÎHABER/DERSIM