Babete sero koçerê ke heremî de cuyenî qalî kerdî.
MA ZOZANÊ XO NÊTERIKNINÎ
Koçerê bi nameyê ci Nesîm Ay ard ziwan ke êy bi serran o ke bi heywanan kevanîya xo kenî û wina vat: “Labelê badê ke qedexekerdiş virazya ma ra ame waştiş ke zozanê xo biteriknênê. Heme Kurdistanî de şerok gird yeno meşnayîş. Dewlet nika nêy cayan qedexe kerdo labelê heta ke dalpeyake gonîya ma bibo, ma do xover bidî û zozanê xo zî do nêteriknî. Nika no qedexe semedê 6 aşme ameyo girewtiş, labelê wazenî wa 100 serre qedexe derg bikerî, ma zozanê xo nêterikninî.
TEMÎNATA CANÊ MA ÇINO
Koçera bi nameya ci Afîfe Baruk zî bal ant ser weçînayîşî ser û wina domna: “Badê ke Erdoganî weçînayîşê 7’ê hezîrane de vinî kerd, şerî da destpêkerdiş. No şerî de bi desan kesan cuyeyê xo vinî kerd. Dima zî bira qedexekerdişê zozanê ma ame girewtiş, wexto ke na bira qedexeye ame girewtiş, aye wext temînata canê ma zî nêmend. Wazenî ke ma tîya ra şêrî, labelê heywan û hardê ma tîyade yî. Ma zozanê xo nêterikninî.”
CIWANÊ MA BÎY KOLE
Koçer Mehmet Çelîk zî ciresna ke koçerî bawkalê înan ra sey mîras mendo û wina vat: “Serranê verê zî bira qedexekerdişê zozanê ma ameybî girewtiş û ma 7 serran nêameybî zozanê xo. Aye wext ciwanê ma verê xo daybî metropolan, labelê ciwanê ma weyra de ameyî kolekerdiş. Ma ravêreyeya çareserî de agêrayî hardê xo. Êdî ma zozanê xo nêterikninî.”