Kitabê rojnameger Alî Dûran Topuzî yê bi nameyê ‘Rû û Kûr’ weşanxaneyê Avesta ra vejîya. Kitab de pêro pîya 80 hîkayeyî estî û nê hîkayeyî bi fekê herêma Koçgirî ameyî nuştene.
Hîkayeyê ke edebîyatê kurdî de kêmî yenî dîyayene de qala hedîseyê dejinî yê Serewedaritişê Koçgirî yenî kerdene û dima ra şopê Terteleyê Dêrsimî zî kitab de ca gênî. Topuzî va ‘çimeyê mi yê esasî dengbêjî yî’ û dayo zaneyene ke şima do kilame û deyîranê dengbêjan de vîrê Koçgirî bivînî.
Topuzî qala hîkayeyanê kitabî kerd û wina va: “Mi hîkayeyanê xo de ca dayo çîyê ke mi eşnawitî, yê ke bîyî destane û çîyanê mîtolojîkan. Reyna şima do meseleyê ke heta bajaranê metropolan ameyî ra tayê parçeyan bivînî. Mi ca dayo hîkayeyanê merdimanê xo û yê xerîban.”
Rojnameger Alî Dûran Topuz kam o?
Topuz serra 1967î de qezaya Zara ya Sêwazî de ameyo dinya û Fakulteya Huqûqî ya Unîversîteya Stenbolî qedênaya. Topuz hetê avûkatîye de radyo, televîzyon û rojnameyanê tewir bi tewiran de xebetîyayo. Topuz hîna zî keyepelê rojname û xeberan de derheqê xebata cuye û sîyasetî de nuşteyan nuseno.
MA / AMED