Avêna hurdî hetan de muzakereyî 2012 ra na het paytexta Kuba Havana de dewam kerdî. Bi eskerakerdisê wertax ame vatene ke hurdî hetî pêkerdî. Pêrodayişî ke 1964 na het ramene amey qedînayene. Muzakerekerdoxe FARC Rodrîgo Granda hure ameyene ser qeseykerd û va: “Haştiye de o wo ke kerdo vîndî ya kî o wo ke serkewto çîno.” Rayverê FARC Tîmoleon Jîmenez bi namê kod Tîmoşenko zî aşkere kerd ke peymanî ser zerîweşîya ke şarê Kolombîya ciwîyeno o bi xo kî pê şa beno.
260 hezar ra jede însanî merdî
Muzakereyî taybet ke 6 bingeyan ser o ameyî virastene. Peymane Kongre ra dima asma Cotmeng de benê referandum. Gunê hetê şarê Kolombiya ra kî bero qebûl kerdene. E ke referandum de na peymane qebûl bibo gerîlayê FARC binê çimê heyeta Jûbiyayena Mîletan de cayê ke tayîn biyê ucayan de yenê arê. Merhele bi merhele gerîlayî tifong caverdane.
FARC 1964 de serva tekoşîna dewizana ke bi desan serrê dewam kerdene ameyî bi ronayene. Pêrodayişanê mavên FARC û arteşê Kolombiya de 260 hezar ra jede însanan weşiya xo kerd vîndî. Demê cengî de 45 hazar însanî amey vîndî kerdene, 5 mîlyon kes ke hurendiya xo ra bî. Hetê bîn ra serokê dewlete yê viren Alvaro Urîbe serva peymane red bibo kampanya dano ramitene. FARC par adirbirnayena jû hetî îlan kerd bî. Adirbirnayene ra dima arteşe kî serestisanê hawa qedinayî bî. Homarê (morrê) gerîlayanê rêxistina Marksîst-Lenînîst yê FARC nejdiyê 7 hezariyo.
ANF/HAVANA