Babete ser o Hetkarê Hemserekê Heyetê Têkilîya Teberî yê Kantonê Cizîrî Fener El-Keîdî zî wina va: “Kombîyayîşo ke Astana de bêro viraştiş, do krîzê Sûrîye hîna zêde kûr bikero; çimkî yê ke do kombîyayîşî îdare bikerî Tirkîya, Îran û Rûsya yî. Eke hêzê ke herême de estî, beşdarê kombîyayîşî nêbî, o wext problemî çareser nêbenî. Kombîyayîşê Astana seba ke kamcîn grûbî teror î an nîyî, yewbînan ra safî bibî, adirbestêko demkî yo. Do hêzê ke radîkal nîyî zî bidekî binê tesîrê dewleta tirk.”
Do çareser bikero
El Keîdî dewamê qiseykerdişê xo de va ‘Kombîyayîşî ra dûrîkerdişê QSD û YPGyî do binkewtişî ra zêde çîyêko bîn nêdo Tirkîya û hemkaranê Tirkîya. No zî beno sebeb ke krîzo ke Sûrîye de esto, do hîna zaf kûr bibo. Ma vakurê Sûrîye de wayîrê hêz û projeyan î. Estena ma do probleman çareser bikero.”
EVÎN ELÎ / ANHA / QAMIŞLO