Çalakîya Nobete ya Ocalan rê Azadîye ke 7 serrî yo vernîya Konseyê Ewropa de bêmabên dewam kena, hewteyo bîn hetê grûba ke Bremenê Almanya ra amebî ra dewr girîyaybî. No hewte zî endamanê Komîteya Şehîdan nobete dewr girewte.
Grûbe de endamê komîte yê Hedîye Çelîke, Rewşan Dîkkat, Tahsîn Turk, Abdurrahman Ateş ca gênî. Çalakgêran hewteyo 369. de dîyar kerd ke Têkoşînê Azadîya Kurdîstanî prosesanê tewr zehmetinan de bi hawayo fedayî mudaxîlê prosesî beno û da zanayene ke ê do heta azadîye çalakîya xo bidomnî.
Verfekê grûbe Tahsîn Turkî dîyar kerd ke emser esîrîya Rayberê Şarê Kurdî kewena serra 21. û wina domna: “Heta ke Kurdî Ocalanî reyde wareyanê azadan de yenî têhet, ma do çalakîyanê xo bidomnî. Ma veng danî CPT ke tecrîd hîna dewam keno.”
Reyna endamanê Komîteya Şehîdan xoverdayoxê 14ê Temmuze û Endamê Konseyê Serekîya Pêroyî yê KCKyî Dîyar Xerîbî vîr ard.
STRASBURG