Emser serrgêra 20. ya Komploya 9ê teşrîna verêne yo û sey her serre emser zî Komploya Mîyanneteweyî bi çalakîyanê cîya-cîyayan yena şermizar kerdene. Na çarçewa de Kampa Bextwaştoxan ya Şehîd Rustem Cudîyî (Mexmûr) de bi rayberîya Dezgehê Keyeyê Şehîdan de komplo ameye şermizar kerdene.
Çalakîye de hetê Hemsereka Meclîsê Şarî yê Mexmûrî Filîz Budake ra ame wendene. Budake va ‘ma komplo şermizar kenî’ û wina dewam kerde: “Rayber Apo bi serran o nêşêno avûkat û keyeyê xo reyde pêvînayîş bikero. Komployê ke ser kurd û Rayber Apoyî de ameyênê domnayene, yew bi yew veng ameyî vetene. Kurdî hertim vera komplo û hêrişan de xover da û do heta peynî zî xover bido.”
Qiseykerdişan ra dima derheqê Ocalanî de sînevîyonêk ame nîşan dayene. Mexmûr de heta 3 rojan seba protestokerdişê komplo do çalakî û aktîvîteyî bêrî viraştene.
Kopenhag, Lavrîo û Essen de Ocalan rê azadîye ame waştene
Heto bîn ra paytextê Danîmarka Kopenhagî de, kampa bextwaştoxan ya Lavrîo de û bajarê Essenî yê Almanya de zî Komploya 9ê teşrîna verêne ameye şermizar kerdene.
MERKEZÊ XEBERAN