Nûmayişkaran yew çelenga sîya nay verê kêberî ro û derheqê komplo de yew dosya teslîm kerdî. Îtalya de zî paytaxt Roma û sûka Mîlona de bi eynî waşten çalakî virazîya. Mîlano de Kurdistanij û dostanê ci bê yew çelenga siya şî verê Konsolosxaneyê Amerîka. Nûmayişkaran bi sloganan dûştê Komplo hêrsê xo arde zûn û sozê berzkerdişê tekoşîn da. Çalakvanan komplo ser yew dosya teslîmê sermîyananê konsolosxaneyî kerd.

Serbestîya Ocalan wazîya
Paytaxt Roma de zî vera Komloyê 9ê Cotmeh Kurdistanijî meydanan de bî. Kurdistanijan derheqê Komployî de vilavokî kerdî vila. Yew cayo ke verra komployî çalakî viraziya zî, sûka Fransa Rennes bi. Kurdistanijan çalekîyê roniştişî viraşt û komplo ra pîya tecrîd protesto kerdî. Çalakvanan bi sloganan Ocalan rê girêdayişê xo arde zûn û serbestiyê ci waşt. Hûnca qalkerdişan de derheqê komplo û tecrîdî de zûnayişî dîya. Kurdistanijan bi vilavokan derheqê qetlîamê dewleta tirk û wertaxîna DAÎŞ û Tirkîye de zûnayiş kerd vila. Hûnca Îsviçre û xelyek welatanê bînan ê Awrûpa de bi nûmayişan 9ê Cotmeh protesto bi û serbestiyê Ocalan wazîya.

Paytexta Îngilîstan London de jî Kolejê SOAS (School of Oriental and African Studies) de derheqê Komployê 9ê Cotmeh û serbestîya Ocalanî de paneleke virazîya û serbestîya ci wazîya.

ANF/DUSSELDORF