Serra 1999 bî. Kurdistan de tarîyêk zulmat est bi. Serok APO esîr amebi girewtiş. Dewleta tirk cezayê aliqnayîş dabî Serok APO. O çaxî KDP û serokê KDP seba ke Serok APO bêro mehkemekerdiş û PKK sey terorîst bêro nîşandayîş waştişname (arzuhal) dabî dewletanê Ewropa. 

   Eynî wextî de Wezîre Karê Teber yê Yewnanîstanê Pangalos yew qiseyêk baldar kerdibî. Vati bi, armancê esîrvistişê Abdullah Ocalanî o bi ke PKK zeîf û laxer bo. Barzanî û KDP xurt bibo. 

   Reyna o çaxî de Yaşar Kaya înan qiseykerdibi û vatibi gêra PKK, Seror APO vîrabikero. Êdî ma estî. Selahattîn Çelîk înan zî waştibi yew partîya newe awanbikerênê. Hina bibi ke keyfê pêron xayîn û hemkaran ame bi. Vatênê mezg û aqilê PKK şi. PKK’yî zî bêfamî. Mîrasê PKK ma rê maneno.  Xora rojname tirkan zî manşet ser manşet eştênê û vatênê, no kar xelas bi. Serwedartişê 29 şi. Ma PKK eşt bin erdî. Îngîlîzan zî vatênê, emre PKK 6 aşmê mendo. Yane gore herkesî PKK çinbibî û do çinbibo. 

 Kam çi hesab kerdî, PKK pêronê hesabê înan veng vetî. PKK stratejîyê xo bedilna. Hadreyîna zaf xurt kerd. Kadroyê xo newe ra perwerde kerd. Serok APO, vînayîşêk newe raverberd û PKK xo newe kerd. Pê newekerdişî ra zî 1’ê Hezîranê 2004 de şerê gerîla newe ra destpêkerd. Rojavayê Kurdistan, Rojhelatê Kurdistan, Başûrê Kurdistan û Bakurê Kurdistanê de çiqas şi PKK hîna rawer şî. 

    Hetê sîyasî de weçînayîşê 7’ê Hezîranê 2015 de HDP serkewt. Pê 80 wekîlan kewt meclîsê. AKP, hukimatî ra kewt. Senî hina bi. AKP û Erdoganî darbe kerd û weçînayişê yê darbeyî 1’ê Mijdarê 2015 de viraşt. Verê cû zî 24’ê Temuzê 2015 de hemverê PKK û şarê kurd yew şerêk newe da destpêkerdiş. No şer nika zî dewam keno. Xora hema hema pêronê sîyasetmedarê kurd zî eştî zîndanan. Ser nayî zî KDP kiştê AKP de ca gêna. Nika zî AKP, KDP û sey îxanetkar Botan înan bîyê şirîk û pîya wazenê yew partîyêk newe awanbikerênê û hîzmetê dewleta dagirker ya tirk û AKP bikerênê. 

 Belkî KDP’yî xo zaf biaqil vînenî. La şarê kurd raştîya înan hol vîneno. Ayê vanê ma qey serkewnê. Bena hina xeyal bikerênê. Xeyalê înan xeyalêk venga. Pêronê îna se bikerênê wa bikerênê, sernêkewnî. Binkewtiş qederê KDP û îxanetkaran o. Serkewtiş yê şarê kurdî yo. Bena tayî bawernêkerênê. La do bîro dîyayîş.

Serkewtiş timûtim yê xoverderano.