KCK vist vîrî ke, hikûmeta AKP vera Kurdan amnanê 2014î de startê herb da yo û aşkere kerd ke Serokwezîrê Tirkiye Davûtoglu zî îtirafê nay kerdo.
1915î ra heta 1915î qirkerdin rameno
Hemserokîna Konseya Rayverîn yê KCK aşkere kerd ke, hikûmeta AKP bi tanq û topan erzena sûkan ser. Jû hetî ra şarî dana goçkerdiş, heta bîn ra bi herekatê psîkolojîk vera kurdan polîtîkayê qirkerdin ramena û niya va: “Zey hikûmetanê verên polîtîkayê çarekerdin yê AKP zî çinyê, cok ra polîtîkayê qirkerdin ramenê.”
KCK aşkere kerd ke, vera waştena xorayverîn, polîtîkayê jû mîlet, jû dewlet, jew welat, jû al pratîze kenê û vist vîrî ke bin nameyê ‘Jûyîna Nîjadî, birabiyen’ de polîtîkayê qirkerdinê kiltûrî ramenê. Damustayin de vajiya ke, xeleka peynî yê polîtîkayanê qirkerdin yê Planê Şark Îslahat Kurdî yê. 100 serr badê qirkerdinê 1915 yê Ermeniyan, 2015î de zî qerarê qirkerdişê Kurdan ame giroten.
Vera qirkerdinan vinderê
Hemserokîna Konseya Rayverîn yê KCK roşnbîr, genc, cenî, kal, pîr, esnaf, karmend û pêrokîn şarê Kurd ra waşt ke verniya qirkerdinê kiltûrî bivejyo û wina dewam kerd: “Dewleta Tirk Kurdan bi veyşanî, zorvajî, feqîrtî tehdît kena û wazena muxtacê xo bikero. Ganî şarê Kurd keye, mehle û qezayê xo nêterkno. Ganî şarê Kurd vera polîtîkayanhe îskan xover bido.
Îmrali de polîtîkayê qirkerdinî
Hemserokîna Konseya Rayverîn yê KCK hayr ant tecrîdê vera Rayverê Şarê Kurd Abdûllah Ocalan’î ser û da zonayen ke tecrît netîceyê polîtîkayanê qirkerdin o. Herzewbîn vajiya ke herbê vera şarî bi tecrît day destpa kerdin û damustayin niya dewam kerd: “Polîtîkayê ke Îmrali de yenê ramiten, polîtîkayê înkarkerdiş û qirkerdişê Kurdan ê.
KCK veng da şarê Kurd ve, serra 18. yê Komplo de werzê ser payan û vera polîtîkayanê qirkerdin tekoşîn berz bikerê. Damustayin de waziya ke kes goş nêdo polîtîkayanê herb yê taybet, ronayişê Tirkiye ya demokratîk û Kurdistan’a azad de rolê xo kay bikero. n ANF/BEHDÎNAN