Komplogeran 29ê Hezîran 1925î de Rayverê kurdan Şêx Seîdî qetil kerd û eynî roj qerarê dardekerdişê Rayberê Şarê Kurd Abdullah Ocalanî zî da. La Rayverê kurdan Ocalanî bi sîyaset, stratejî û fikrê xo kay û plananê komplogeran pûç vet.
15ê Sibate 1999’î de dûştê Rayberê Şarê Kurd Abdullah Ocalanî bi pîyakarîya xêlê dewletan Komployekê qilêrîn virazîya. No komplo bi yew tewr korsaney bî. Komplogeran Ocalan ser o vîyartî plana dîyine. Hînê ameyê merhaleyê rêbazê îdamî.
Zey Şêx Seîdî cezaya îdamî dayî
29’ê Hezîranî de komplogeran bi destê M. Kemalî Şêx Seîd dayî qirkerdiş. Eynî komplogeran eynî roj de qerarê dardekerdişî day Rayberê Şarê Kurdî Abdullah Ocalanî rê zî. Serra 1999î de aşma Gulane û Hezîranî de Girawa Îmralî de formalîte ra senîhewa yew muhakemekerdiş bîynê her kesî zanaynî. Netîceyê nê muhakemekerdişî zî hînê verê ra dîyar bi, bi hesaban ra muhakemekerdiş bîynê. Na dadgehe zî qet nê fikrîyayîşî ra cezaya îdamî day! Goreyê komplogeran ra PKK şeş aşman mîyan de do tesfîye bibo. Hînê tesfîyeyê PKK ra dime zî bi rehetî ra qe dadgehe ardê ca û cezaya îdamî gurênanê. Labelê nê hesabê komplogeran pûç vejîyayî û PKK goreyê wextanê verîn hona jêde bi quwet bî.
Îmrali de xoverdayişê 18 serran
jû hetî ra verba herb û îzolasyonê dewlet xover dano, heto bîn ra bi fikir û polîtîkayanê newî hewl dano ke raya haştî û çarekerdişî akero. Zerreyê nê serran de Ocalan’î çarçoveyê analîzkerdişê sîstema modernîteya kapîtalîst û zey perspektîfê alternatîf zî tezê modernîteya demokratîk de 12 berhemî hadre kerdî. Nê kitabê Ocalanî nika Rojhelata Mîyanî ra heta Awrûpa û Amerîkaya Latîn yenê vilakerdene.
Sîstemê Îmrali
Sîstemê Îmralî hetê DYA û Ewropa ra virazîya. Tirkîye ra zî wezîfeyê gardîyaney ame dayen. Goreyê hiqûqê Awrûpa zî cezayê muebetî de eke 18 serrî debî se, hînê dadgehe sernawera yew cigêrayîş virazena û sernawera yew qerarê newe dana. No qerarî reyde eke ceza dewam bikero se, ganî goreyê cezaya qanûnî ra rewşa tepiştişî ra mehkûm serbest veradî yo. 18 serrê Ocalanî zî girotxane de vîyartî. Niqaşkerdişê Tirkîye ra bi xoserî ganî rewşa dadgehe ra sernewera rewşa Ocalan cigêrayîş bikero.
Hesabê ci pûç vejîyayî
Ocalanî Îmralî de binê yew tecrîta girane de rewşa Îmralî kerde yew dibistan û mijarê kurdan ser o zî seba teorîyê çareserîya demokratîkî ra yew stratejî viraşte. No hewa ra nê polîtîkayê qirkerdişê Îmralî serkewtiş nêbî. Ewro zî hikûmeta AKP kewt serra 14’ê û AKP mîyanî de zelzele bi. No hîrêyes serî mîyanî de seba ke AKP polîtîkaya komploya mîyanî ra serkewtiş bivirazo no warî de heme rayîrê û raybazî gurênay. Tabî gurênayîşê na komplo de bi verên ra DYA û heme quwetê komplogeran bî. DYA semedê dîzaynê Rojhelatê Mîyanî û Iraqî waşt ke PKK tesfîye bikero. No armanc zî yew polîtîkaya provakasyonî waşt ke bigurêno.