Têkildarî mijarê rêveberya KON-KURD’ê daxuyaniyek nivîskî weşand û ragihand ku, dê 19’mîn Kongreya xwe 06’ê Tirmehê roja Şemiyê li bajarê Verviers ê Belçikayê lidarbixin. Di berdewamiya daxuyaniyê de balê dikişîne ser ku, di aliyê çareseriya siyasî de li her çar perçeyên Kurdistanê pêvajoyekî dîrokî destpêkiriye û kongre jî di vê pêvajoyê de pêktê. Di daxuyaniyê de hate gotin ku, qasî her çar perçeyên Kurdistanê, Kurdistaniyên li sirgûnê li Ewropayê jiyana dikin, weke ku heya îro jî bûyî weke kirdeya pêvajoya dîrokî dê tekoşîna xwe ya çareseriya pirsgirêka Kurd a demokratîk û aştiyane bihêz û bilind bikin.

Di daxuyaniyê de hate aşkera kirin ku, ji ber vê çendê 19’mîn Kongre dê bibe platformekî ku berpirsyartiyên xwe û peywirên di çareseriya pirsgirêka Kurd ên aştî û demokrasiyê de vegerînin biryar û plansaziyên şênber.  Di daxuyaniyê de hate aşkera kirin ku, dê mijara bingehîn ya kongreyê bibe ji nû ve xwe rêxistin kirin.
KON-KURD di 01’ê Cotmeha 1993’an hate avakirin û navenda wê li paytextê Belçîka Bruselêye. Di heman demê de Bruksel paytextê Yeketiya Ewropayê ye. Di binya KON-KURD’ê de li Almanya YEK-KOM, li Fransa FEYKA-Kurdistan, li Holanda FED-KOM, li Swîsre FEKAR Kurdistan, li Danîmarkayê FEY-KURD, li Swêd KURD-KONSEYÎ, li Belçîkayê FEK-BEL, li Awûstûrya FEY-KOM, Îngilîstanê FED-BIR, li welatên Balkana FEK-BAL û li Awûstralya û Kanadayî jî li gel federasyona komeleyên Kurd, bigiştî ji12 federasyonan, 175 komle û 30 hezaran zêdetir endamên wan komeleyan û sedhezaran mirovan pêktê. 

BRUKSEL