YRD ya Rojava, 5. Konfransa xwe bi amadebûna 164 delegeyan li dar xist.  Konfrans bi diruşmeya ‘Ragihandina avaker misogeriya civaka azad e’ hat lidarxistin. Di konfransê de delegeyên ji Ajansa Nûçeyan a Hawarê (ANHA), Çapxaneya Ronahî, Televizyona Ronahî TV, Ragihandina Jina Azad (RAJIN), Ragihandina YPG/YPJ’ê û gelek dezgehên din ên Ragihandinê amade bûn.
Destpêkê ji bo birêvebirina xebatên konfransê 5 kes weke dîwan hatin hilbijartin.
Piştre Konfransê bi axaftina Endama Meclîsa Damezrêner a Sîstema Federaliya Demokratîk a Rojava – Bakurê Sûriyê, Foza Yûsiv destpê kir.
Piştî xwendina raporên xebatê, beşdaran ev xebat nirxandin. Di nava axavtinan de hat gotin, YRD`ê li Rojavayê Kurdistanê çandeke rojnamevaniyê daye rûniştandin û xebatên girîng dane meşandin.


Bingehê hemû xebatan azadiya Ocalan e

Di konferansê de ji bo azadiya Rêberê Gelê Kurd Abdullah Ocalan biryarên girîng hatin dayîn. Hin ji van biryaran ev in:
* Li ser jiyana Şehîdan û têkoşîna wan weşaneke taybet were kirin.
* Peydekirina Nûçegîhanan li herêmên rizgarkirî û firehkirina rêxistina xwe li herêma Rojhilatanavîn.
* Rûniştandina Sîstema Akademiyê. Ji bo perwerdekirinê, pirtûkxane avakirin, broşûr amadekirin û beşên taybet vekirin.”
Di dawiyê de konferans diyarî ruhê cangoriyên çapemeniyê Mustefa Mihemed Şukrî, Arîn Cûdî, Wîdad Alî, Agir, Keder, Mezlûm Bagok û Agirî Yilmaz hate kirin û Şehîd Ciwan ê ku bi rojnamevanê televizyona Ronahî Mustefa Mihemed şehîd bû Şehîdê rûmetê yê raghandinê hate îlankirin.


 AMÛDÊ