KONGRA-GEL 1ê Gulan bimbarek kerd û vist vîrî ke peynîya polîtîkayanê înkar û îmha ameyo. Damûstayîn de vajîya ke fînalê pêvacoyê demokratîkkerdişê Tirkîye û azadkerdişê Kurdistanî derime. Damûstayîn de vajîya ke generalê sivîl Erdogan serva sîyakerdişê ameyişê şarê ma bi pêrokîn quwetê xo êrişê şaran keno, wazeno emegdaran, cenîyan, gencan, pêrokîn bindestan, îtiqatan bigîro bin despotîzmê xo.
Peynîya polîtîkayanê dewlet ame
Hemserokîna KONGRA-GEL da zonayen ke Erdogan vernîya xo de Hereketê Serbestî yê Kurd zey taloke vîneno û serva nay wazeno îradeyê şarî yê kurd werte ra wedarnê. Damûstayîn de vajiya ke Erdogan û AKP wazenê Tirkîye bikirêşê felakî û wina dewamkerd: “Endî peynîya polîtîkayanê înkar û îmha yê dewlet amey. Endî ma pêvacoyê fînal yê demokratîkkerdişê Tirkîye û azadkerdişê Kurdistanî de yê. Dewlet tengîyeke zaf girdî de ya. Sebebê êrişan zî no yo.”
KONGRA-GEL veng da pêrokîn bindest, emegdar û demokratan ke 1ê Gulan de her ca de bivejyê meydanan û tekoşînê serkewtişî berz bikerê. Peynîyê damûstayîn de vajîya ke faşîzmê Erdogan’î do vindî bikero, şarê ma yo ke azadî, demokrasî û haştî wazeno do serkewo.
Quwetê xo bikime jû
Stenbol de zî rêxistinê emegî 1ê Gulan de Meydanê Bakirkoy de are benê. Serokê KESK Lamî Ozgen’î veng da pêrokîn emegdaran ke vera konseptê herb yê Seray bivejyê meydanan. Özgen’î da zonayen ke konseptê herb yê Seray wazeno heqanê emegdaran xesp bikero û vist vîrî ke pêrokîn nûmayişê înan hetê îxtidar ameyê tometkerdiş. Özgen’î aşkere kerd ke rixmê tometê AKP emegdarî dê bivejyê meydanan û vera polîtîkayanê îxtidar nêrazîbiyen damûsnê. Serokê KESK Lamî Ozgen’î veng da pêrokîn emegdar û demokrasîwaştan ke 1ê Gulan de Bakirkoy de bivejyê meydanê Bazarê Şarî.
NAVENDÊ XEBERAN