Teyarayê şerî yê dewleta Tirkî ya dagîrkere, Koyê Kortekî yê Qendîlî bombe kerdî. Netîce de doman û cinîyî zî tede xeylê kesî merdî û birîndar bîyî.
Teyarayan saetanê şanî de dewa Berd Kuranî de 2 wesayîtê sîvîlî hedef girewtî û wesayîtan ser o bombayî varnayî. Goreyê çimeyanê herêmî 3 sîvîlî merdî û 5 kesî zî birîndar bîyî. Mîyanê nê kesan de cinîyêk û domanêko 4 serrî zî esto. Ame musayene ke kesê ke merdî û birîndar bîyî, Silêmanî de neqlê nêweşxaneyî bîyî. Kesê ke merdî nameyê înan wina yo: Abdulla Alî Mîne (53), Kurdîstan Abdula (30) û Heryad Abdula (19). Kesê ke birîndar bîyî zî nê yî: “Mihemed Abdula, Taybet Mihemed Abdula, Benaz Abdula, Rabî Mihemed û yewna keso ke nameyê ci nêame musayene.
Seke yeno zanayene 21ê Tebaxa 2011î de teyarayan reyna Kortek bombe kerdî û 7 kesî netîceyê bombardûmanî de merdbî. O wext bebeka 8 aşmî Solîne, 2 domanî, 1 cinî zî mîyanê kesê ke merdbî de estbî.
ROJNEWS / SILÊMANÎ