Hele bi ewnenê dewleta Tirk.  Bi hususî  bi ewnenê AKP ra.

Se kena, se nîkena.
Hetekî ra vana ez wazena Serokê Şarê Kurd Abdullah Ocalan ra dîyalog virazî.
Hekekî bîn ra Çewlîg de humarê korucîyon zedê kena.
Ver naye çîyê Ardimkarê Serokê Komê BDP û  Wekîlê Çewlîg Îdrîs Baluken, na dirîyîtê AKP meclîsê Tikan de rexnê kerd.
La wezîrê AKP ya Çewlîgij  dewşîrme Cevdet Yilmaz zî, qet cevabêk nî da Balukên û şarê Kurd.
Xo kêr kerd.
Ma ewnenê heme ca  yê Kurdistan de korucî fek çekanê dişmenî ra veredanî.
La Çewlîg de tayê ehmeq newe ra çekanê dişmên genî.
Sebebê naye çîyo?
AKP hêşê tayê Çewlîgijan sere ra veto. Aqilê înan sere ra perenayo.
Eyê ke wazenê çekanê dişmên  bigerenê, peronê înan AKP’yî ye.
Kam ke nîzde AKP beno,  wîcdanê xo û ehleqê xo vîn keno.
Şerefê xo vîn keno. Eslê xo vîn keno. Însanî ra vejîyeno.
Ha nîmûnê îyê Korucîyê Solaxonij Abdulkadîr Erkmen o.
Nî vano sebebê korucîtî dewleta Tirk.  Vano sebebê korucîtî PKK ya.
AKP hina kerda kî hêş sere Abdulkadîr Erkmen de nîmendo. Aqilê Erkmen, ters şixulyeno.
Bi ewnenê verênanê-baw û kal- ma derheqê însanê sey Abdulkadîr Erkmen înan ra se vato.
“Kutiko xirab, vergî ano keno gewe”.
 Korucîyo Ehmeq sey Abdulkadîr Erkmen, kewnenê verênîyê eskerê Tirk, anî zerê Kurdîstan û hemverê şarê xo danî şerkerdiş.
Şarê xo kişenî. Tutan û qijen xo kenî Tirk. Qirkenî. Îhtîmale ke gird nika qijanê Erkmen Kirdkî-Zazakî- nîzanî, Tirkî qise kenî. Bi hina eslê xo vîn kenî.
La biewnenê Erkmen, na raştî nivîneno û seyî qise keno.
Baw û kalanê ma na derheqî de yew qise bîn zî kerdo.
Hina vato.
“Dewlet bena her zî, ci menîşê”.
 Herhal Abdulkadîr Erkmen qasê baw û kalanê ma bi aqil nîyo.
 Baw û kalanê ma seba dewleta Tirk vato, dewleta Tirk bibo her zî, siwarî mebenê.
 La Erkmen, siwarbiyayîş hetekê de, çekanê dewleta Tirk geno, pê na çekan ciwanê xo tewrê egîd kişeno.
Baw û kalanê ma derheqê sey Abdulkadîr Erkmen înan yew qisek bîn zî ker do.
Hele bi ewnenê se vato.
“Merdimo bêesl, kokê xo ra remeno”.
Raşta merdimo bêesl, sey Erkmen eslê xo ra remenê benî dewşîrmê, vergî anî kenî zerê Kurdîstan.
Na hêşê zî AKP eşta mezgê Abdulkadîr Erkmen.
Ey şarê Kird-Kurd- bi ewnenê AKP se kena, se nîkena.
Çi ana sere Kirdan-Kurd-