Badê ke Bexçeyê Hewselî û Çemê Dîcle zî girîya çarçewaya ‘Warê Projeyo Taybet’xebata peyzajî ya ke Koyê Çewresan de dîyaybî destpêkerdiş zî qedîya. Bi plano ke 28ê kanûna 2016î de amebî betalkerdiş, newe ra erzîya dewre û nizdîyê 32 hektarê Bexçeyê Hewselî malê dewlete hesibîya.
Dima ra ewja de bin nameyê ronayîşê daran de darî ameyî birnayîş û tayê cayî ameyî rijnayîş. Herinda ê daran de camî, cayê meşîyayîşî û sahayê sporî virazîyayî. Netîceyê xebata ke bi aşman o ke dewam kena, Koyê Çewresan bîyo cayê çop û molozî. Heto bîn ra nîno zanayîş ke do merhaleyo 2. yê projeyî key dest pêbikero.Herçiqas ke xebatî qedîyayî, labelê makîneyê karî hîna zî ewja de xebetîyenî û ver bi Hewselî rijnayîşî hîra kenî.
JINNEWS - AMED