Koyê Heybet qezaya Xarpêtî Qowanciyan de yo û hetê şarî ra sey cayêko pîroz ameynê hesibnayîş û heta 3 serre verê zî tîya de festîval ameyêne viraştiş.
Koyê Heybet de 3 serrê peyênan de ocaxê qum û kerrayan xebetyenî.
Semedo ke nê ocaxan de dînamîtî yenî teqnayîş, tebîetê koyî xeripyeno.
Kamyonê ke ocaxan de xebetyenî, zafaneya koyî çin bîyo û semedo ke serê kamyonan akerde yo, toz vila beno û dewanê dormeyan de beno sedemê nêweşîyan.
3 ocaxê bînî ke do Koyê Heybet de biameyênê ronîyayîş, nêrazîbîyayîşê dewijan ser o xebatê înan ameyî betalkerdiş.
XARPET