Bi hezaran heywanî seba kontrolê kozmetîkî yenî ceribnayîş. Her çiqas ke Tirkîya de pawitişê haywanan esas bêro girewtiş zî hema nêyî rê çareserî nêameyo dîyayîş. Seba kozmetîkî mere, seba rujî hargûş û seba kremê destan zî morceleyî yenî ceribnayîş. Welatê ke endamê Yewîya Ewropa (YE) yî de testê heywanan serra 2014 de amebî wedarnayîş.
Goreyê îstatîstîkê serra 2013î, Tirkîya de 167 hezar û 634 heywanî seba dermanê pakî, kozmetîk û sewbîna dermanan ameyî ceribnayîş. Tirkîya serra 2015 de ceribnayîşê heywanan qedexe kerde, labelê dima ra rayîrê qanunî abîyî. Sey nimûne zî universîteyanê Tirkîya de programê sertîfîka yê ‘heywanê ke test ra vîyarenî’ ameyî viraştiş.
Tirkîya de komeleyê sîvîlan, seba ke bale biancî na babete ser xebatî dayî destpêkerdiş. Nê xebatan ra yewe zî hesabê Twîtterî yê ‘Testê heywanan rê nê, (@HayvanDeneyleri) ya. Xebatkarê hesabî parekerdişanê xo de wina vano: “Ambalajan ser de ‘no ber heywanan ser de ameyo ceribnayîş’ nuseno. Ma vera xebetnayîşê heywanan de yî. Her ke şono ceribnayîşê heywanan zêde beno. Heta ke testê berî, merdiman ser de nêro kerdiş, ti kes rewşa heywanan fam nêkeno.”
AMED