Komelnas Nîyaz Mihemede krîzê Başûrê Kurdistanî û rewşa cinîyan ser o vînayîşê xo arde ziwan.
Nîyaz Mihemede dîyar kerd ke ‘seba ke lazimîyê komelî nînî temînkerdiş, komel de peyserşîyayîş yeno dîyayîş’ û va do nika ra pey bi problemanê hîna girdan têrî bimanîyo.”
Heme xebatî vindetî
Nîyaz Mihemede derheqê rewşa cinîyan de va ‘rewşa cinîyan zaf tepîya menda’ û wina va: “Rêxistinê komelkî yê sîvîlî zî cinîyan xo vîra kerdî. Nê sermedî ra cinîyî zaf zirarê girdî dîyî. Cinîyî xo heme waran de aver benî û labelê tesîrê prosesan bi hawayo rewe nêeşkenî xo ser ra bierzî.”
Mihemede ard ziwan ke ‘Heme xebatê rêxistinê komelkî yê sîvîlî yê Herêma Kurdistanî aktîf nîyî. Nê vengî ver krîz vejîya û heme xebatê înan vindet. No zî heme komelî ser de tesîrê xo viraşto.”
ROJNEWS / HEWLÊR