Zîndanan de zext û îşkenceyî kemî nêbenî. Bitaybetî 15ê Temmuze teşebusê derbe ra dima nê zext û îşkenceyî zêde bîyî û her ke şono hîna zêdeyêr zî benî.
Babete ser o Verfeka Înîsîyatîfê Piştîdayîşî yê Zîndanan yê Îzmîrî Selma Altane qisey kerde.
Altane va ‘bi viraştişê zîndananê newe sewqê hepsîyan seba îşkencekerdişî kenî mehne’ û wina dewam kerde: “Şewe bi nameyê sehnayîşî erzenî koguşan ser û heqaretê hepsîyan kenî. Reyna zafaneyê zîndanan de kamerayî ameyî bicakerdiş û 24 seatî zîndanan taqîp kenî. Zîndanê sey Manîsa û yê bînan de kamera ronîyaya odeyanê avûkatan zî.”
Ganî herkes hesas bibo
Altane dewamê qiseykerdişê xo de va ‘seba ke tewqîfbîyayîş zaf zêde bîyo, kapasîteyê zîndanan vejîyayo 2 qatî. Seba ke hûmare zaf zêde bîya, hepsîyî mecbûr manenî erd de rakewî. Bitaybetî demanê peyênan de cilê tek tîpî hepsîyan ser de yenî ferzkerdiş. Mektubê ke kurdî yenî nuştiş, dest ronîyeno ê mektuban ser de. Kurdî reyna zîndanan de bîyo ‘ziwano nîno zanayene’. Nika hûmara hepsîyanê nêweşan resayo hezar û 25î. Kesê sey Ergîn Aktaş, Ahmet Hamî û sewbîna hepsîyî nînî tedawîkerdiş. Ganî herkes seba hepsîyan hesas bibo.”
MA - ÎZMÎR