Xoserî serva dinya model o
Gerîlaya YJA-Star Denîz Ûmût vist vîrî ke, Kurdistan de tarix miyan de kî xeylê serhewedayenî bî. Xeylê bedelî amey dayen, la şarê Kurd peyser gam nêeşt. Ûmût vist vîrî ke, pêvacoyê xosereyê demokratîk de zî, serkewtiş do yê şarî bo û niya qisey kerd: “Zey serranê ’90î, şarê Kurdistan verra pêrokîn hêrişanê dişmenî ser payan o. Sîstemê xoser, serva pêrokîn şaranê dinya modelê do alternatîf o. Ebi no hewayî, şarê Kurd îmze erzena serkewtişê do newî.
Denîz Ûmût vist vîrî ke serkewtişê Rojawa, verra AKP û yê ke dûstê xoserî de yê derbeyê da gird bî. Nayî ra, nika zî hêrişê Bakûr kenê. Şar xo ebi îradeyê do pîl paweno.
Azadî yê şaran a
Gerîlayan ra Roza Serhed zî vist vîrî ke, şar wazeno ke, xo bi xo îdare bikero. Şar heta na roj, dewlet ra teba nêwaşt û wina va: “Çike azadî yê şarî ya. Şarî hetê ekolojîk, ekonomîk, pawiten de xosereya demokratîk tercîx kerd. Serhed vist vîrî ke, ebi na sîstem civaka demokratîk û polîtîk do bîro ronayen û wina dewam kerd: “Cenî dê cuwyayişa azad rê rayverîn bikerê. Nayî ra gerek qûwetê xo rafînê werte.
Her vaş ser kokê xo de beno gird
Gerîlaya YJA-Star Silav Botan zî aşkere kerd ke, şarê Kurd verra hêrişanê dişmenî prensîbanê xo yê red û qebûl rafîna werte. Botan veng da şarî ke hardê xo terk nêkerê, xoverdayişê modelî merdimatî xosereyê demokratîk berz bikerê. Silav Botan vatişa Rayverê Şarê Kurd Abdullah Ocalan’î ya, ‘her vaş ser kokê xo de beno gird’ vist vîrî û hayr ant serbestiya Ocalan’î ser: “Wayirê projeyê xosereya demokratîk û cuwyayişa azad Rayver Apo yo. Nayî ra serbestiya Rayvertî sebebê xoverdayişê ma ya. Botan şarî ra waşt ke xoverdayişî berz bikerê.
ANF/BEHDÎNAN