NEJBÎR OSMAN / ANHA/QAMIŞLO
Hemserekê Meclîsê Şarî yê Dêrikî Mihemed Ebdulrehîm averşîyayişê hedîseyê Rojawan û xebatê tifaqe yê QSD, KNK-Însîyatîfê Rojawanî ser o qise kerd û vat ke nika herranê Kurdistanî binê hêrişê îşxalî de yê, no ser ganî her rasteyî ra Kurd ê xebatê tifaqe bikê.
Ebdulrehîm destnîşan kerd ke hêrişan ra rayîrê xelisyayişî yewîyeya netewî yo û wina dewam kerd: “Dewletê mêtingerî, têkoşînê şarê Kurd wazenî çin bikê, çar parçeyê Kurdistanî dişmenê Kurd yew bîyê û hêriş kenê. Vera na rewşe zî ganîya ke Kurd î zî çar parçeyê Kurdistanî de yew bibê, çimkî qezencê Kurdan binê teluke de yê.”
Yewîyeyî yena vateyê qewetêrî
Ebdulrehîm pare kerd ke yewîyeyî yena vateyê qewetêrî û wina qedîna: “Vera dişmenî têkoşîn encax bi rayîrê tifaqe yeno dayiş, xebata yewîyeya netewî seba her Kurd wezîfeyêk o. Ganî partîyê Kurd taybetî seba tifaqe xebat bikê. Encax bi tifaqe nasnameyê Kurd û Kurdistan bêrê pawitiş.”