Dersim dewlet îqaz kerd
Dersim de nûmayişê protestoyî kuçeyê Sanat de viraziya. Nûmayişo ke hetê rêxistina HDP yê sûk û DEM-GENÇ viraziya de, vatişê ‘teslîmiyet bena îxanet, xoverdayiş bena serkewtiş’ yê wendekarê zangehê Mûnzûr Şerdil Cengîz o ke Amed de ame kişten zey panqart hewadiya. Herzewbîn panqarta ‘ablûqe, qetlîam ma nêqedînenê, bi rayverînê xoser hetê ameyina azad’ abiya. Nûmayişkarî bi slogananê ‘PKK şar o, şar diya de yo’, ‘Dersim îsyan o, kurdistan’î rê selam o’ heta meydanê azadî rayşî.
Verra terorê dewlet veng bide
Hemserokê HDP yê sûk Aslan Çag’î qisey kerd Çag’î ard zon ke, gune waştenê xoserî yê şarê kurd bîrê qebûl kerdin û niya va: Bi ‘qedexe’ yê bêhiqûqîn tenya heqê weşî îxlal nêkenê, herzewbîn kesê ke dustê qetlîaman veng vejenê kî yenê binçimkerdin û kişten.
Aslan Çag’î vistvîrî ke, mezelxane, cemxane, camî û mekanê tarixî yenê bombevaran kerdin. Çag’î waşt ke, verra nê qetlîaman sûkanê tirkiye zî veng vejerê.Nûmayiş bi 5 deqe nûmayişê roniştişî qediya.
Colemerg ra heta Îzmîr protestoyî
Verra terorê dewlet herzewbîn Colemerg, Dîlok, Riha, Erzêrûm, Sêrt û Îzmîr de zî vizêr hezaran kesî vejiyay meydanan û terorê AKP protesto kerdî.
Tenya kurdistan û tirkiye de nê, welatanê Awrûpa de zî terora dewlet protesto bî.
DÎHA