Azadî bê welat beno gelo? Ne.
Welat bê azadî beno gelo?
Ne.
Welat bê tekoşîn xelas û rizgar beno gelo?
Ne.
Tayî estî wexto kî ti vane seba welat kar bikeri, vanî ne.
La vanî ma azadî wazenî.
Yew vano, gera ma seba azadîya Kurdîstanê tekoşîn bikeri, vanî ne.
Yew vano, ti şîye to rayê xo seba HDP şuxulnaya?
Vanî ne.
Yew reyna perskeno vano, ti çi wazenî?
Vanî ez Kurdîstana serbixo wazena.
Yew perskeno vano, ya ti nêşine rayê xo zî nêşuxulnene, ti tekoşînêk zî nêkene la ti hina qiseykenê.
Dinya de ça de yew ronişto û welat xelas bîyo û rizgar bîyo?
Vanê cayêk de zî çîyêk hina nêbîyo.
Raştîyêk hina yê şarê kurdî esta.
Çiqas ma vaji şarê kurd hina egîdo, hina tekoşero, seba pêronê şarê kurdî derbas nêbeno.
Ma Ewropa de na raştî reyna dî.
Xebatkaranê Tevgera Azadî nêbenê, çarin ra yew beş şarê kurd nêşenê ser sindoqan û rayanê xo nêdenê HDP.
Xebatkaranê Tevgara Azadî, erebe hadrekerdêne, ge ge des hew şîyenê verê bere keyeyê însananê ma û hina berdêne ser sindoqan.
Ma vanê weçînayîşê 1’ê Mijdare muhîmo, la hina asano ke tayî însanê ma ferqê muhîmayîya no weçînayîş de nêbî.
Gore xo semedêk peyda kerdêne kî seba nêşîyero ser sindoqan.
Raşta weçînayîş sere xo yew rêbaza tekoşîna şarê kurdî nîyo.
La seba azadîya Kurd û Kurdîstanê yew merhela ya.
Yew game ya.
Yew game, game bîn tesîr kena. Hêdî hêdî ver bi Kurdîstanê azadî rê benî.
Tekoşîna çekdarî û tekoşîna demokratîk û sîyasî yewbîn temam kenî.
Tekoşîna çandî û kulturî zî înan tema kena.
Seba nayî weçînayîş zî muhîmo, yew ling û game tekoşînî yo.
No hetî rê Ewropa de kemayî vejîyayê. Xebatkaranê Tevgera Azadî nê kemîyayî wertira rakerdî. Yew bi yew şare kurd berdî ser sandiqan û înan zî rayê xo dayî HDP.
Gera şarê ma yê Kurdîstanê kemayîyanê Ewropa ra dersan vejo.
Nêvajo hina û hina. Xora Kurdîstanê de weçînayîş yew roj o.
Kam kî bikewro dibendî, bena here bimano nêşkero rayê bido şuxulnayîş.
Seba ke kemayîyan ra xo xelasbikerenê, gera 1’ê Mijdare de lez û bez şîyerenê ser sindoqan û rayanê xo bidenê HDP.
Eger no weçînayîş de zî şarê ma sey weçînayîşê 7’ê Hezîrane dersêk gird bido AKP, serkewtişêk gird kewno destê şarê kurd û HDP.
Hina bibo şerkerîya AKP binkewna.
AKP nêşkena bivejîya mîyane şarê kurdî.
Sere şarê kurdî beno berz.
Rayîra Kurdîstane Azad de yew gamêk gird û tarîxî yena eştiş.
Xora çimê herkesî ser Kurdîstanê de yo.
Hadê Şarê Kurd!
Sey Ozane mayo gird Ehmed Arîf vato ya. "Ma medişermkerdiş ha." Ey şarê kurd.