Bakurê Kurdîstanê de dewleta tirk hêrîşê bajaranê ma kena, kuç ser kuç nêmendo. Her roj qij, pîl, ciwan, keyna û laj, dayî û baw, pîr û pîrêkê ma şehît kewnî. Hema hema dormeyê pêronê bajarên ma ameyo girewtiş. Sermîyanê T.C zey R.T.Erdogan û E.Davudoglu vanî, “No dem demê qiseykerdiş nîyo. Gereka ma hemberê kurdê berxoder şer bikeri. “ Wexto ke dişmen hina vajo, vernîye şarê kurd de zî yew rayîr manena, a rayîr zî xoverdayîşo. Xora êdî qet rewabîyayîşê dewleta tirk Kurdîstanê de nêmendo. Dewleta Tirk, Kurdîstanê de dewletêk dagirker a. Talanker a. Qirkera.
Hembere na dewlete de kam xoverdayîş nêkero, sucdar o. Kam ke hembere dewleta bêveng bimano beno, şirîke dagirkerî, beno şirîke qirkerdiş û talankerdişî. Şarê Kurd ayê Bakurê Kurdîstanê nayî zano, gore nayî wirzo ser lingan. Seba Kobanê se kerd, nika zî Amed de destpêkerd hina keno. Serhildane Kobanê de şarê kurd yê kî Ewropa de ciwîyeno role xo kaykerd. Nika her bajarê Bakurê Kurdîstanê bîyo zey Kobanê. Xora dewleta tirk zî DAÎŞ’ê esila. Gereka şarê kurd yê Ewropa na raştî bivîno goreyê na raştî biwirzo ser lingan. Biewnê Amedî beso. Biewnê şarê kurd yê Amedî senî xoverdayîş keno.
Biewnê şarê kur yê Cizîra Botan û cayê bîn senî xoverdayîş keno. Xora Ehmede Arîf şîîre xo yê Dizika Amed vato ya nê mar û şanêmaran bişinasnê û hina pîl bibi.
Gera şarê ma yê Ewropa zî nê mar û şanêmaran bişinasno û hembere înan tekoşîn bikero.
Bi ewnê Ehmedê Arîf se vato.
“Qele ya (Dizika) Amedî ra
çend notî û lorîya tûteka
nameyê Adîloş’î
Destê mi nêreseno
Bey û henaranê xo, zerrî kî
xo nêdarêna vera ci.
Nef bena, mi fina xo ver û
ravêrena.
Hina halêno kî ver nêzaneno,
teyr pede nêvejeno.
Qet(qe) pers mekerê
Ziwan gêgeyreno, Laaaaaal..
Ferman vejîyayo wa qe zî
kan ray ra bo,
Rezê waştîyê tar û mar bîye.
Sergûn tûlîk ra rê beno.
***
Esto çinyo lepê gan o,
Wa qeda û belanê
to ve geyro.
To rê bimirîya looo..
Eza destveng,
Linga mi bi domi(feq) menda.
Yew ez do bizanena la kî.
Mi çi afat heskerdi.
Yew zî bê zar û bê ziwan o.
Dizika Dîyarbekirî bizano...
***
Villê akenê.
Hewt mexelên sip û sûrî,
zey gonî.
Û hetê ra zî vewre varena,
Koyo sîya vaydeyeno,
Deşt û zozanî vaydadeyenê...
Biewnê, zimbêlanê mi
çemçîlikî girêdayî,,
Û ze qerisîyena zî.
Çillê zî çiqas şi ewqasî
dergî bî.
Ez, to zey wesarî xeyal kena.
Ez, to zey Dîyarbekirî
Tamê xo, çi û çiçî ser ra
nîyo kî.
Hergê hew ti mi vîrî de bî...
....
Nê,
Mar û şanemarê bindê
şakîlanê,
Nînan,
Çim verdayo
Nan û arişê ma.
Nînan rind bişinasnê.
Rind bişinasn û pera biresê...
***
No, namûs o.
Kunyeyê ma de neqiryayo,
No zî sebr ro,
Jehr û axu ra agozîyayo.
Xo nînan ra disknê.
Nînan ra diskî û pera biresê.”