Goreyê netîceyo sifteyîn yê referandûmî, her çiqas ke hende hîleyî ameyî kerdiş û ser de Heyetê Weçînayîşî yê Berzî (YSK) nê hîleyan tesdîq kerd zî, mabên de ferqêko zaf şenik esto. Heto bîn ra Tirkîya de bajarê girdî yê sey Stenbol, Anqara, Îzmîr, Edene, Antalya, Mersîn û zaf bajarê girdî yê bînan de reyê nê qezenç kerdî.

Labelê sey her weçînayîşî cayo ke tewr zaf wayîrê îradeya xo vejîya û cewabêko gird da hukmatî bajarê herême bîy. Goreyê netîceyê sifteyîn yê referandûmî bajarê ke prosesê OHALî ra dima qayûm tayînê şaredarîyanê înan bîy û îradeyê înan esîr ameyî girewtiş, nê bajar û qezayan de dûştêko tewr berz de reyê nê vejîyayî. Nê cayan ra bi taybetî bajarê Amed, Wan, Mêrdîn, Êlih, Agirî, Colemêrg, Şirnex, Sêrt, Êlih û Dêrsim ke qayûm tayînê şaredarîyanê înan bîyî de reyê nê rekor şiknayî. Goreyê netîceyî herême de pêro pîya 10 bajar û 64 qezayan de nê bi ferqêko gird qezenç kerd. 

3 Bajarê girdî vatî nê

Bajarê Amedî ke weçînayîşê şaredarîye yê 2014 de bi se ra 55.07 reyan ameybî qezençkerdiş û dima ra qayûm tayîn bîbî de se ra 67.58 nê vejîya. Bajarê Mêrdînî ke bi se ra 52.19 ameybî qezençkerdiş û dima ra qayûm tayînê ci bîbî de zî se ra 59.04 nê vejîya. Bajarê Wanî ke verê cû bi se ra 53.14 ameybî qezençkerdiş de zî se ra 57.20 nê vejîya. 

Bajarê ke qayûm tayînê înan bîbî, ê bajaran ra Şirnex, Agirî, Colemêrg, Dêrsim, Sêrt û Êlih de zî nê bi ferqêko gird qezenç kerd. Êlih de se ra 63.62, Sêrt de se ra 52.07, Şirnex de se ra 71.67, Colemêrg de se ra 67.57, Agirî de se ra 56.82 û Dêrsim de zî se ra 80.42 reyê nê vejîyayî. Bedlîso ke qayûm tayînê ci bibî de se ra 40.64 nê vejîyayî.

Amed û Wan va nê

Qezayê Amedî ke qayûm tayînê înan bîyî, înan ra qezaya Sûrî ya Amedî de se ra 64.94, Peyas de se ra 69, Yenîşehîr de se ra 68.16, Farqîn de se ra 78.95, Pasûr de se ra 59.52, Bismil de se ra 74.68, Karaz de 78.68, Licê de 85.72, Pîran de se ra 59.51 û Gêl de se ra 50.51 nê vejîyayî.

Reyna Wan de qezaya Qelqelî de se ra 78.20, Rayîrê Îpegî de se ra 55.74, Erdîş de se ra 52.01, Şax de se ra 56.76, Bêgir de se ra 57.13, Elbak de se ra 81.36, Saray de se ra 71.56, Ebex de zî se ra 66.06 ne vejîyayî. 

Qezayanê Mêrdînî ra Kerboranî de se ra 67.33, Dêrik de se ra 73.82, Şemrex de se ra 71.74, Nisêbîn de se ra 78.59, Qoser de se ra 71.09 û Stewr de zî se ra 49.58 reyê nê vejîyayî

Colemêrg de zî qezayê ke qayûm tayîn bîyî ra Gever de se ra 77.02, Çelê de se ra 65.59 nê vejîya.

Qezayanê Şirnexî ra Cizîr de se ra 81.26, Silopî de se ra 74.80, Hezex de se ra 69.96, Qileban de 70.66, Bêşebab de se ra 64.25 nê vejîya.

Sêrt de zî Dihê ya ke qayûm tayîn bî de se ra 58.74, qezayanê Agirî Dîyadînî de se ra 68.14, Bazîd de zî se ra 76.18 nê vejîya.

Erzirom de qezaya Gogsî de se ra 60.02, Karaçoban de se ra 66.20, Tatos de zî se ra 59.62 nê vejîya. Qezaya Îdirî Tozanî de zî se ra 62.31 nê vejîya. 

Qezaya Mûşî Kop de se ra 72.10, Gimgim de se ra 86.10, Milazgîrî de zî se ra 71.54 nê vejîya. 

Her çiqas ke merkezê bajarê Riha de ya vejîya zî, qezayanê Riha ra Pirsûs de se ra 50.81 û Xelfetî de zî se ra 55.40 nê vejîya. 

Qezayanê Mêrsînî ra Akdenîz de zî se ra 67.26 nê vejîya. 



 ANQARA