Roja Ziwanê Mayî yê Dîna ke 1999î de hetê ÛNESCO zey 21ê Sibat amê qebûlkerden, Navendê Egîtîm-Senî derheqê muhîmîya ziwanê dayike de endamanê xo yê maliman rê vilavokeke rişt û dîyar kerdbi ke dersanê xo de behsa ziwanê dayike bikerê.
Malimê ke goreyê na vilavokî hereket kerdî raştê cezayê pere amey. Amed de ser vengdayişê sendîkaya malimê ke kurdî zanê, wendekaranê xo ra muhîmîya ziwanê dayikî vatî. Malimê ke bi wendekaranê xo ra bi kurdkî qisey kerdî, notê xo yê dersî bi kurdkî defterê xo de nuştî.
Ziwaneke bîn qedexe yo
Ser gerreyê verpersîyarê mektebî, Midûrîyeta Perwerdehîya
Mîlî yê Amedî derheqê mamosteyê ke dersa kurdkî day, tehqîqata îdarî day destpa kerden. Midûrîyeta Perwerdehîya
Mîlî maliman ra not rişna û înan ra waşt ke îfade bidê. Heta nika, 360 dosyayê ke midûrîyetî hadre kerdîye ra 68ê ci Heyeta Dîsîplînê yê Sûk ra amê rişnayen. Heyet, bi behaneyê “îxlalkerdişê maddeya 3’yîn yê qanûna bingeyî” destpakê de zey ceza meaşê 68 maliman se ra 30 birnay. Heyetî îzahetê cezayê birnayişê meaş wina kerd: “Ziwanê dewlete û zimanê perwerdehîyê bi tirkî ya, xeynî tirkî şixulnayişê ziwaneke bîn qedexe yo.”
DÎHA / AMED