Maçoglu dergeyîya qalîkerdişê xo de bal ant ser Xoverdayîşê Cizîrî û wina vat: “Çîyo ke weyra de ame cuyayîş merdim daynê şermkerdiş. Wexto ke ma amey tîya, ma nêzanaynê do ma reyde rî bi rî manenî, labelê ma hemverê xo de rîyê huyaye dî û no zî semedê ma çîkekî zaf erjîyayebi. Semedê ma bêxra wayîrvejyayîşê no xoverdayîşî sewbîna weçînite vernîya ma de çino.”
Semedê şeran moral
Serekê Şaredarîya Mazgîrtî Tekîn Turkel zî ard ziwan ke AKP no 13 serre ke îqtîdarî de yo û wina verdewam kerd: “Manzaraya ke ma Cizîr de dîy hezey ke semedê merdimatî heme çî hawanîyabi refan ser. Ez hemverê xoverdayîşê 9 rojan bi rêzdarî milê xo çewt kena. Heme kesê ke xo ra vanî; ez kurd a, sosyalîst a û ez merdim a lazim o demo ke rewêr verê xo bido Cizîrî. Girewtişê hemsereka Şaredarîya Cizîrî Leyla Îmret ya karî ra zî qet nîno qebulkerdiş. Lazim o wezîfeya ci tepa bêro dayîş.”
DÎHA/ŞIRNEX