Netîceyê polîtîkayanê dewlete yê herême de hema vaje her roje cayanê cîya-cîyayan de şewatî vejîyenî û zirar dano tebîetê Kurdistanî. Bitaybetî tayê cayan de bin nameyê operasyonî de daristanî yenî veşnayene û hewnakerdişê şewatî zî hetê hêzê dewlete ra yeno asteng kerdene.
Vizêr mabênê qezaya Licê ya Amedî û qezaya Dara Hênî ya Çewlîgî de 10 waranê cîya cîya de şewatê daristanî dest pêkerdî. Şewatî ver dormeyê herême heme binê dumanî de mendo. Ame musayîş ke dewijê dewanê dormeyî waştî şewat hewna bikerî, labelê hetê her di qereqolanê qezayan ra ameyî asteng kerdene. Şewat her ke şono hîra beno.
MA/AMED