Beşîr diyar kir ku li Reyhanliyê dovîzvanê bi navê Abdulmecît Cevher yê ku ji bo cîhandiyan bişîne Rojava wek şaxa leşkeriyê dixebite. Têkildarî derbasbûna Sûriyeyê jî Beşîr wiha axifî: "Piştî sekna du rojan goti her tişt temame. Gotin em leşkeran re axivîne tu pirsgirêk tune. Em derketin û çend deqe şûnde li gel sînor bûn.  Em berbi leşkeran ve çûn. Abdulmecît û kesê ligel wî bi leşkeran re axivîn. Abdulmecit ji min re got ew kesê ligel wî dê te bibe. Ew li cem leşkera ma û me jî têl derbas kirin. Dema me têl derbas kirin wan jî henek dikirin û dikeniyan.  Leşker jî ne leşkerên ji rêzê, diyarbûn ku leşkerên bi rutbe bûn. Me sînor derbas kir û em li wesayîta ku li bende me bûn siwar bûn.  Piştre em derbasî herêma Hibeyt a Idlîbê bûn. Ez şandim nav koma bi navê Lîva Cephet El Hak.  Di vê komê de kesên ku berê tiryak, alkol bikaranîne jî cih digirtin. Bê guman kesên di vê komê de bimînin demek şûnde ji bo tevli Cephet El Nusra bibin amadekarî dikirin."

Beşîr têkildarî tiştê ku pê re rû bi rû ma û poşmaniya xwe ya hatina Sûriyeyê de jî wiha axifî: "Ez bûm şahdîd ku ciwanan çawa dixapînin û dişînin Sûriyeyê. Li ser navê şoreşê mirovan dişînin mirinê.  Kesên ji xwe re digotin fermandarê şoreşê de tenê dagirkerî dikirin û amûrên ku dagir dikirin, ji bo bifiroşin dişandin Tirkiyeyê.  Hinek ciwan bi cîhadê bawer dikin û tên. Lê ev ciwan ji bilî mirinê naçin tu derê. Ji ber vê ez bang li ciwanan dikim ku bawer nekin, hun diçin ku biçin lê neyên Sûriyeyê.  Ji ber ku li Sûriyeyê ne şoreş û ne jî cîhad heye. Ligel min ev rastî dîtin jî riya min ya derketinê tunebû. Lê piştî ez ji aliyê asayîşê ve hatim girtin, rastî ne wek ya wan digot bû. Di perwerdehiyan de digotin Kurd ne muslimanin.  Li ser vê em ji bo şer amade dikirin. Ez hatim girtin, dengê ezanê hat min. Min xwest ez nimêj bikim û bi rêzdarî nêz bûn.”
Rêveberiya Asayîşa Efrînê diyar kir ku El Beşîrî ji bo ku vegere mala xwe alîkarî xwestiye û ji sînorê Kilisê gihandine seferatxaneya Cezayîrê."


SEYİT EVRAN/ ANF/EFRİN