Di şahiyê de şagirtên ola Êzdî sirûdên xwe yên li ser Çarşema Sor xwendin. Her wiha komeke ji Tevgera Ciwanên Şoreş gurzek stranên li ser ola êzidiyan pêşkêşkirin. Şêxên Êzdiyan helbest û sirûdên olî pêşkêşkirin û di dawiya şahiyê de komîteya amadekar a şahiyê cejna êzdiyan Çarşema Sor li hemû gelê Kurd û êzîdiyan pîrozkirin.
Li Amûdê serdana goran
Li Amûdê û gundên derdorê jî Kurdên Êzîdî Çarşema Sor bi çûna serdana gorên şêxan û ziyaretan pîroz kirin.
Kurdên Êzîdî li Amûdê û gundên derdorê, bi munasebeta Çarşema Sor çûn serdana gorên Şêxan û li ser goran dua û qewlên Êzîdiyan hatin xwendin, her wiha li ziyaretan geriyan. Bi heman munasebetê Endamên Meclîsa Gel a Amûdê çûn serdana Êzdîyên Amûdê û cejna wan pîroz kirin.
Li aliyeke din endamên meclîsên gundan ên girêdayî Amûdê çûn serdan malbatên Êzdî û cejna wan pêroz kirin.
Bi munasebeta Çarşema Sor dê roja Înê li Gundê Doko yê Amûdê şahiyek were lidar xistin. Komîteya amadekar a şahiyê da zanîn ku wan hemû partiyên siyasî, tevger, komele û rêxistinên Kurd ji bo tevlîbûna şahiyê vexwendine.
ANHA/EFRÎN-AMÛDÊ