Lijneya Rêveberiyê ya Navendî ya SES'ê têkildarî rewşa xizmetên tenduristiyê yên li Rojava de bi navê "Rapora Tenduristiyê ya Herema Kurdan ya Suriyeyê" amade kir û çend roj beriya niha ji raya giştî re hate aşkera kirin. Sekreterê Şaxa SES'ê yê Wanê Orhan Aktaş, diyar kir ku li Rojava pirsgirêkên tenduristiyê derketine asta her jor û wiha got: "Ji ber ku deriyên sînor hemû hatine girtin û alîkarî tên astengkirin, xizmetên tenduristiyê nayên dayîn. Rewşa gelê li wan deran gelek xerabe."
Aktaş, destnîşan kir ku ji ber şer ku nexweşî belav nebin lazime deriyên sînor werin vekirin û wiha axivî: "Rewşa wê derê gelek xeter e. Îzolekirina gelê Kurd a bi vî şiklî nayê qebûlkirin. Bi lez lazime ev pirsgirêk were çareserkirin."
