Bi daxuyaniyekê Navenda Çapemeniyê ya Yekîneyên Parastina Gel (YPG)  diyar kir ku hêzênên rêjîma Baas îro di saetên sibê de ji herêma Devera El-Ewarid êrîşî taxa Şêxmeqsud kirin û hewl dan têkevin taxê . Di encama bersivdayin Şervanên YPG᾽ê de pevçûn bi dijwarî derketin. Di daxuyaniyê de hate destnîşan kirin ku di pevçûnan de 2 segvan bi giştî 11 leşkerên rêjîmê hatine kuştin. Di heman demê de hêzên rêjîma Baas bi tang û hewanan tax topbaran kirin. Pevçûn hîn didomin.

Li Taxa Eşrefiyê jî duh di saetên êvarê de di navber şervanên Lîwai Cebhet El-Ekrad û hêzn rêjîma Baas de pevçûn rû dan û di pevçûnên ku heta setên sibê dom kir de 3 leşkerên Sûriyê hatin kuştin û 6 birîndar bûn.
Li deverên cûda ji Helebê jî di navbera çekdarên Artêşa Azad û hêzên Rêjîma Baas de pevçûn derketin, her wiha hêzên rêjîma Baas gelek herêmên Helebê topbatran dike.
Li aliyekî din Hêzên Rêjîma Baas taxa Xalidiyê bi çekên Giran topbaran dike û di encamê de ziyana canî û madî çêbû. Her wiha li herêma derdora balafirgeha Kowêris ya leşkerî di navberê hêzên rêjîmê û çekdarên muxalefetê de pevçûnên dijwar rû dan û balafirên rêjîmê herêma derdora balafirgehê bombebaran kir.
Pevçûnên li Helebê li herêmên cûda yên bajêr didomin. 

HELEB