16 dewanê herêma Licê û Hênê de verîya operasyonê lejkerî "Qedexeyê vejîyayîşê kuçeyan" ame îlankerden. Herzewbîn qezaya Çewlîg Dara Hênê de zî 20 dewan û 82 tax û dewokan de qedexeye ronîya. Qedexeyan ra dima operasyonê lejkerî zî dest pakerd.
Herêma qezayanê Amed Licê û Hênê de 16 dewan de, vizêr saet 05.00 ra tepya qedexe ame îlankerden. Goreyê nayî dewanê Licê yê bi nameyê Abali, Birlik, Şenlik, Erginkdy, Tuzlakdy, Çeper, Ecemiş, Daralan û Durukoy yê Lîcê û dewanê Serenkoy, Uzunlar, Yukariturali, Kalaba, Topçular, Akçayurt û Kaledibi yê Hênê de "Qedexeyê vejîyayîşê kuçeyan" ame îlankerden.
20 dewanê Dara Hênê de qedexe
Yew qede zî 20 dewanê qezaya Çewlîg Dara Hênê de ronîya. Qedexeyî ra pîya operasyonê lejkerî zî dest pakerd. 20 dewan ra pîya 82 tax û dewokan de zî qedexe ame îlankerden.
AMED/ÇEWLÎG