Qezayê Licê, Farqîn, Pasûr, Bismil û Hêne yê Amedî serranê 90î ra nata yê ke tewr zaf raştê hêrişê dewlete û hêzê Hîzbul-Kontrayan ameyî yî. Qezaya Licê ke ê wextî raştê polîtîkayanê winasîyan ameyêne, ewro zî eynî polîtîkayan reyde têrî manena. Keso ke licêyij vano ‘vernîya çimanê mi de keynaya mi raştê tecawizê hêzê dewlete ameye û dima ra ameye veşnayîş, labelê mi nêşîna çîyêk vaja. Ti vanî qey fekê mi amebî kîlîtkerdiş. Çimkî ez seba domananê xo yê bînan tersaya. Ez nika nêzana esteyê kênaya mi kura de yî. Wa mezelêk keynaya mi bibo’.
Şar nêterikkeno
Licêyijê ke 40 serrî verê xover dayênê, ewro zî xover danî. Îlanê xoserîye ra dima Licê sey ‘Herêma Ewleyî’ ameye îlankerdiş û leşkeran xeylê dewan de xendek kinitî û îşkenceyê dewijan kerdî. Mîyanê 6 serranê peyênan de nizdîyê 60 reyan qedexeyê tebervejîyayîşî ameyî îlankerdiş. Nizdîyê 100 kesî ameyî qetilkerdiş û daristanî dîyaye adirî ver. Nika zî çadirê leşkeran dewan de estî û beyraqa dewlete aliqnaye ya, labelê reyna zî şar Licê nêterikneno.”
ŞÛJIN/AMED