Partîya Demokratîke ya Şaran (HDP) seba weçînayîşê parlamenterîye yê 24ê Hezîrane lîsteya xo ya parlamenteran aşkere kerde. Mîyanê lîsteya HDPyî de cîya cîya bawerî, şar û hetan ra namzedî cayê xo girewtî. Mîyanê lîste de temsîlkarê tevgerê çep û çepgirî, cinîyê ke têkoşînê cinîyan de rayberî kerdî, akademîsyenê ke bi Qerarnameyê Hukmê Qanûnî de (KHK) kar ra ameyî eştiş, kedkdar, rojnameger û hunermendî zî cayê xo girewtî. Mîyanê lîsteya namzedan ya HDPyî de xeylê namzedî elewîyî zî estî. Elewîyê ke lîsteya HDPyî de ca girewtî nê yî: “Turgut Oker (Stenbol), Alî Kenanoglu (Stenbol), Kemal Bulbul (Antalya), Ferhat Tunç (Aydin), Alîcan Onlu (Dêrsim), Meral Hambayate (Dêrsim), Hasan Basrî Yorulmaz (Semsûr), Zeynel Kete (Edene). PÎRHA/STENBOL