Mamostayê Edebîyatî Erdogan Canpolato ke 30 serran mamostatî kerd, bi KHK amebî îxraçkerdiş û rasteyan de xover dano, qisey kerd û reaskîyon nîşan da.
Canpolato ke nizdîyê 120 rojan çalakîya roniştişî viraşt, 105 rojan pêsero ame tepiştiş. Her tepiştişî ra dima cezayê pereyî dîya ci û serbest ame veradayîş. Canpolatî va ‘ma çalakîya Gulmene û Ozakçayî ra hêz gênî’ û wina dewam kerd: “Ma dima ra çalakîya xo ya Meletî qedêna û beşdarê çalakîya Anqara bîyî. Ma tîya de ameyî tepiştiş û cezaya hepsê keyeyî dîya ma. Dewlete hewl daye bi hepsê keyeyî reaksîyonan kêmî bikero. Heto bîn ra seba ke zîndanî pirr bîbîy, hepsê keyeyî dîya ma.
Sewbîna rayîr çin o
Canpolatî dewamê qiseykerdişê xo de va ‘bêxera xoverdayîşî sewbîna çî îxracan nêvindarneno’ û wina dewam kerd: “Ma vera sîstemo ke her roje hîna tepîya şono de etirîyenî. Çalakîyê HDP û CHPyî tayî hêvî dayî ma. Eke ma reaksîyonanê xo nêkerî ortax, do rojê hîna xirabêrî paweyê ma bibîy. Çareserî vera îqtîdarî de yewbîyayîş a.”
MELETÎ