Leyla Guvene û dayîkê xoverdakarî pîya mesajê Ocalanî temaşe kerdî. Mesaj ra dima Guvene îzehetêko kilm da û wina va: “No serkewtiş yê embaz Zulkuf, Aytene, Medya, Zehra, Gonca, Mahsûn û heme embazan o. Reyna serkewtişê dayîkan o. Seke Birêz Ocalanî va, ma do sîyasetê xo yê demokratîke bidomnî. Êdî vengê Birêz Ocalanî vejîya, Rojhelato Mîyanên de wisar o. Ewro ra tepîya do her çî hîna bibo weş.” Mesajê Ocalanî ra dima hepsîyanê ke grevê vêşanî de yî zî eşkerayîyêk da çapemenîye. Hepsîyan dîyar kerd ke ê zî çalakîya xo qedênenî.