Kalkan’î aşkere kerd ke, keye bi keye, kuçe bi kuçe, mehle bi mehle, koyî bi koyî, deştî bi deştî îyê de her ca de xover bidê. Gencî, cenî, tepiştey, yê ke zerre û teberê welat, 7’î ra heta 70’î herkes do xover bido.
Duran Kalkan’î hayr ant netîceyanê weçînayinanê 1’ê Mijdar’î ser û wina-niya va: Derbeya sivîl yê 1’ê Mijdar’î dewamiya derbeya 12’ê Îlon’a. Wazenê verniya ronayişê komara demokratîk bigîrê. Demê verniya ma de mavêna faşîzma AKP, zîhniyeta kolonyalîst û hereketê serbestî de tekoşînê da tewr gird do biqewmo. Kalkan’î vist vîrî ke AKP do çarçoveyê siyaseta faşistîn ya qirkerdena siyasî de hewldayenanê xo yê îmha û tesfiye de israr bikero. La ma dê bi xoverdayişê do topyekun cewabê do gird bidê nê hewldayenan. 7’î heta 70’î herkes do verra nê hêrişan xover bido.
Cizîr, Gever, Farqîn, Nisêbîn û Gimgim Kobanî yo
Kalkan’î hewcedariya piyakariya bi şaranê Tirkiye û quwetanê demokratîk vist vîrî û ard ziwan ke Kurdistan wextê xoverdayiş de tenya ame viradayen û qiseyê xo niya ramit:
‘Wexto ke jew ca de hêrişê faşistîn bibo gune pêrokîn bacarî werzê ser payan û paşt bidê. Gune metropolê Tirkiye, şoreşgerê demokratîk paşt bidê. Cizîr, Gever, Farqîn, Nisêbîn, Gimgim, Kobanî yê zimistana par ê. Nê cayî, cayê ke qelbê Kurdê azad û merdimîya demokratîk erzenê yê.
“Rayver Apo xover dano”
Azayê Komîteyê Rayverîn yê KCK Duran Kalkan’î hayr ant xoverdayişê Rayverê Şarê Kurd Abdullah Öcalan’î ser û wina va: Rayverê ma xover dano. Verra na siyaset tewir girot. No xoverdayişê do erjiyayey o û do bido serkewtiş. Jû raya bîn yê serkewtiş çin ya. Veng dana pêrokîn şarî ke verra kesê ke wazenê şima biancê teslîmiyet çim akerdebê.
Kalkan’î aşkere kerd ke keso ke haştiya mavêna Tirk û Kurdan de virazo tenya Öcalan o û va raya demokratîkbiyena Tirkiye xeta Rayver Öcalan’î ra ravêrena. Nayî ra serbestiyê Rayverîna ma şert a.
AKP her ca de binkewt
Kalkan’î hayr ant abluqeyê AKP yê çormeyê sûkanê Kurdistan ser û niya qisey kerd:
Dişmen qerardar o, la ma zî xoverdayiş de qerardar ê. Faşîzm çiyê do doştê merdimî yo. Faşîzm dano piro, şarî zî xoverdanê. AKP Şengal de, Kobanê de binkewt, vinî kerd, Suriye de vinî kena. Nayî ra bi pêrokîn quwetê xo erzena Bakûrê Kurdistan ser. La şarê Bakûrê Kurdistan do AKP zî birişo sepetê çop yê dîrokî miyan. No quwetê ma esto.
NAVENDÊ XEBERAN
KCK ra derheq dê Xûrmatû de damûstayin
Komîteyê Karanê Tever ê KCK derheqê herb û pirodayişê Xûrmatû de damûstayin weşîna.
Komîteyê Karê Tever ê KCK eleqe ant ser lejê qezayê Kerkuk Xurmatû ê mabenê quwetanê pêşmerge û mîlîsanê Heşd El Şeebî û vist vîrî ki, peyniyê lejî de her 2 hetan ra kesî kişiyayê. Komîtey Karê Teverî ard ziwan ki eno lej bê zafkerdinê êş û alozînê mabenê şaran û baweriyanê Başûrê Kurdistan û Iraq de, çiyê bîn xora niyano û wina vat: Enê lejî kerdîmi xemgîn. Eynî wext de gumanê ma kerdî zafî. Wexto ki hewna tehdîtê DAIŞ ê vera Iraq û Başûrê Kurdistanî rameno, 2 quwetê gerek vera DAIŞ lej bikirê, vera pêjewîn lej kenê. Çiyê winayin provokasyonê girdo. Enê lejî de ne menfatê şîî û suniyanê Iraq, ne menfatê kurd, ereb, tirkmen û asûriyan esto. Tersê ci, enê lejî de menfatê DAIŞ esto. EYnî wext de eno lej xizmetê kesê ki wazenê ameyinê Başûrê Kurdistan û Iraq tarî bikirê keno. Xora heveyê kesê çinayê gerîla danê xora, wazenê rengê bîn bidê enê lejî.
Gune herkes peyniyê herb biyaro
Komîteyê Karê Tever ê KCK ard ziwan ke, gerîla lejê Xûrmatu de ca nêgêna û wina vat: Başûrê Kurdistan û Iraq welatê pêrokîn şar û îtiqatan o.Weşîna piyayî, ne bi lej û şîdetê mezhebî û ne zî bi neteweperestîn beno, encex bi zîhniyet û sîstemê demokratîk mimkun o. Ma bi enê fikr û baweriya veng danê heme hetan û vanê, bi hesas hereket bikirê, enê lejî vindarnê û meselanê xo, bi rayanê siyasî çareser bikirê.