Qezaya Şirnex Sîlopya de, 5ê Çile de xebera qetilkerdişê Azaya Meclîsê Partî yê DBP Sêvê Demîr, Aktivîsta KJA Fatma Uyar û Hemseroka Şar yê Sîlopî Pakîze Nayir û jew camêrdo ke kamiya ci nêamê zonayen vila bî. Bado ke cenaze hewadiyay morgê nêweşxaney, vejiya werte ke, cenazeyî derb û texrîb biyê.
KJA, derheqê qetilkerdişê Sêvê Demîr, Fatma Uyar û Pakîze Nayir de damûstayîn da û beyan kerd ke, îye de matem nêtepşê, ebi nûmayişanê radîkal wayrê tekoşînê nê ceniyan bivejyê.
Şima nêşenê ameyina behar manî bikerê
Kongreya Jinên Azad KJA, derheqê Sîlopî de qetilkerdişê Azaya Meclîsê Partî yê DBP Sêvê Demîr, Aktivîsta KJA Fatma Uyar û Hemseroka Şar yê Sîlopî Pakîze Nayir de kombiyayişê çapemenî viraşt. Azaya Kordînasyonê KJA Sara Aktaş vist vîrî ke, 3 cenî serragêra qetlîama Parîs de amey qetilkerdin. Aktaş va, ê serva ke, verniya dewleta şîdet yê camêrdan de sereberz vindiyay amey kişten. Sara Aktaş vist vîrî ke, îye de zey KJA matem nêgîrê, ebi nûmayişanê tewr radîkal wayrê tekoşîna îynan bivejiyê û wina va: “ Na herîş verra xeta ma ya îdeolojîk viraziya. Bedelê ci çi bibo wa bibo, ma dê ala îynan hewadê. Şenê hîrê çîçegan gilê ci ra cikerê, na nêşkenê ameyina behar û azadî manî bikerê.
‘Ma teslîm nêbenê’
Hemseroka KCD Selma Irmak vist vîrî ke, derheqê Kurdan de jû ferman ameya vetiş û ceniyê ke verniyê tekoşîn de dustê ferman de vejenê benê hedef. Irmak va, “şima nêşkenê ebi qetlîam û kiştişan ma bitersînê. Ma dê pey înan şirê, teslîmê sîstema serdest û dewlet nêbê. Irmak veng da ceniyan û niya va: “Wayê Mîrabel, Sîlopî de onca amey qetilkerdin. Bêvengî merdişo, tekoşîn serbestî ano. Veng dana pêrokîn ceniyan. Bêrê ma piya ala tekoşînî berz bikerê. Ewro rojê da tarî niya, ma şên-matem nêgînê. Roj roja tekoşîna. Heta delopa goniya xo ya peynî, ma dê raya înan de şirê.
Bêvengî qebûlkerdiş o
Hemxeberdoxa HDK Sebahat Tûncel’î zî vist vîrî ke, ceniyê polîtîk yenê kişten. Ma serva ke, îsyan û hêrsê xo damisnê verniyê şima de yê. Ebi kiştişê ceniyan mesaj danê ceniyan. Tuncel va, verniya 3 serran Sakîne, Fîdan û Leyla qetilkerdî. Wazenê ebi kiştişê ceniyan tekoşînê serbestî yê Kurdan biqedînê û wina va: “Mesaja ke şima da, ma girot. Him zey ceniyê şoreşger, him kî zey ceniyê KJA ma dê na al’î nêvistnê erd. Şarê Kurdistan do no xoverdayişê tarixî de serkewo. Ez veng dana şaranê Tirkiyeyî, verniya na zilm de bêvengî qebûlkerdiş o. Tuncel peynî de hayr ant qiseya Mûsa Anter’î ya “Nameyê bîn yê cuwyayiş xoverdayiş o” ser.
Cenî dê serkewê
Hemseroka HDP Fîgen Yuksekdag zî kombiyayişa çapemenî de qisey kerd û va, “xoverdayişê îynan, yê ma yo, xoverdayişê rayverînê cewherî xoverdayişê cuwuyayiş o. Sêvê, Fatma û Pakîze, her cayo ke xoverdayişî estê de xoverday, no şar do xo vîra nêkero.”
Yuksekdag vist vîrî ke, êrişan de ceniyan kenê hedef, tîmê teybet ceniyan rê dam ronenê. Cenî goniya ke demarê xoverdayiş de herikyayê yê. Wazenê na gonî wişk bikerê. Ma dê zî zey îynan, na tekoşîn biramê û biresnê serkewtişî. Cenî dê serkewê, şarê ma do serkewo.
Qetilkerdişê 3 ceniyan Dersim, Riha, Amed, Sêrt, Bêtlîs, Îdir, Wan, Colemerg, Mersîn, Stenbol û teberê welat de ame protesto kerdin.
DÎHA/AMED
Xoverdayiş keme berz
TJKE zî derheqê qetilkerdişê Sêvê Demîr, Fatma Uyar û Pakîze Nayir de damûstayîn da û aşkere kerd ke, berzkerdişê tekoşînê îynan wezîfe û deynê ma yo.
Hereketê Ceniyanê Kurd yê Awrûpa qetlîam rê hêrs û nêrazîbiyen damûsna û vist vîrî ke, Sêvê Demîr, Fatma Uyar û Pakîze Nayir bi serrano zerreyê tekoşînê serbestî de, wayrê vinderdişê bi rimetîn bî.
Heyfê îynan do bîro giroten
TJKE aşkere kerd ke, 3 ceniyê şoreşger yê ke ebi baweriyê “Eke Botan serkewo, pêrokîn merdimî serkewno” Sîlopî de verniya xoverdayişî de ca girotî bî hedefê çeteyan. Damûstayin de vajiya ke, qetilkerdişê 3 ceniyan, rastê qetlîama 9ê Çile yê Parîs ame, nayî ra hêrsê ceniyan hona jêde bi berz. Hereketê Ceniyan aşkere kerd ke, heyfê nê ceniyan do bîro giroten û niya va: “Vinderdişê fedaî yê Fatma, Sêvê û Pakîze do mînak bîro giroten.
TJKE peynî de vist vîrî ke, raya girêdayişê vîrardenê îynan berzkerdişê tekoşînî yo û veng da ceniyan ke, verra dişmenê şaran û ceniyan dewleta tirk û çeteyanê ci yê kiştox hêrsê xo damisnê.“