Sazîyê Kurdistanî
Na çarçiwa de Konseya Hempare ya Hereketê Goran û YNK şaristanê Silêmaniye de temsîlkaranê hizba Zehmetkêşanî Kurdistan zîyaret kerd. Kombîyayîş ra dima rayberê hizba Zehmetkêşanî Kurdistan, Goran Celal beyanatêk da û vat: “No pêameyîş gamêka baş o. Ez hêvî kena ke no pêameyîş beno wesîleyê destpêkê pêameyîşanê pêrune hêzanê Kurdistan.”
Endamê Konseya Hempare yê YNK û Tevgera Goran Îsmaîl Namiq zî vat ke: “Lazim o ma semedê Herêma Federal a Kurdistanî siberojêko azad amade bikerê. Lazim o ma pêro Herêma Kurdistanî rê wayîr vejîyê û semedê referanduma dewleta kurdê xo amade bikerî.”
Ma waşt pêvînayiş bikî
Îsmaîl Namiqî dewamê qiseykerdişê xo de îzah kerd ke înan heta nika semedê îtîfaq xeylê cayî zîyaret kerdê her ca de înan rê eleqeyêko pîl esto û vat: “Ma wazenê pêrune hêzanê kurdan de bêrê têhet. Ma PDK rê zî waşto pêvînayîş bikê, la PDK hema verpers nêdaya ma.”
Pîya têkoşîn bidî
Heto bîn ra Konseya Hempare ya Hereketê Goran û YNK dima ra hereketê Îslamî ya Kurdistanî zîyaret kerd. Zîyaretî ra dima hetê temsîlkaranê Hemparê Hereketê Goran, YNK û hereketê Îslamî yê Kurdistanî ra beyanato hembar ame dayîş û beyanat da ame vatiş ke lazim o pêro hêzê Kurdistanî bêrê têhet û semedê heqanê kurdan pîya têkoşîn bidî.
AMED