Awbendê Ilisû ke çend serrî yo hewl dîyeno bêro viraştene, ver bi peynîye şono. Awbendî ver Heskîfo ke şahidîya tarîxê merdimîye kerdo, binê awe de maneno. Heta nika xeylê zirar dîyayo cayo tarîxî û viraştişê awbendî ver şar bireaskîyon o.
7 û 8ê Hezîrane de xeylî bajaranê dinya de seba Heskîfî do çalakîyî bêrê viraştene. Cehkerdişê Ciwîyayîşî yê Heskîfî û Têgêrayîşê Ekolojî yê Mezopotamya seba çalakîya globale veng da. Projeyê Awbendê Ilisû yo ke Heskîf, Newala Dîcleyî teba 199 dewan binê awe de do biverdo, ver peynîye şino.
Selahîyetdaranê dewleta Tirkî da zanayene ke 10ê Hezîrane de awe do Awbendê Ilisûyî de kom biba. Cehdkerdişê Ciwîyayîşî yê Heskîfî û Têgêrayîşê Ekolojî yê Mezopotamya da zanayene ke ê do nêverdê ke tarîxê bi hezaran serran binê awe de bimano û vengdayîşê çalakîyanê seba Heskîfî kerd.
MERKEZÊ XEBERAN