Sarya Uca (45) vat ke banê ci çarçiweya qado bi rîsk de nêeşkîyano bêro girewtiş, çimkî banê ci saxlam o û rijnayîşê banê ci zî huqiqî nîyo.
Uca wina vat: “Dewlete serrê 90’î de bi veşnayîşê dewan xora ma da koçkerdişî, 3 ray ameyî verê banê ma la ma hêzê dewlete tepa eşrawit. Bêrî û banê ma zî serê ma zî birijnî zî ma banê xo terk nêkenî. Ma qet seba rijnayîşî îmze nêda û ma nêdî zî. Ma destûr nêdanî banê ma do birijnî, ma ra vatî; ma şima rê pere danî la ma pereyê înan qebul nêkerd.
Uca ciresna ke seba nêrijnayîşê banê înan bi silgirîya pawitoxan ser piro Dadgeha Îdare ya Cizîrî dayî.
Uca wina peynî kerd: “Ez veng dana şarê Cizîrî, çi zî bibo wa bananê xo nêdî rijnayîş. Hêzê dewlete wazenî ma pere reyde bixapinî. Wa bêrî ser piro dadgehe bikerî û çew destûr nêdo banê ci bêro rijnayîş. Bêrî ma do pîya Cizîrê xo qawim newe ra înşa bikerî.”
DÎHA/ŞIRNEX