Hemserekê Şaredarîya Mêrdînî Ahmet Turko ke herinda ci de qayûm ame tayînkerdiş, derheqê 24ê Hezîrane û rojeve de qisey kerd û melumatê muhîmî dayî.
Turkî qala qetlîyamê Pirsusî kerd û wina va: “Sucdarî dîyar î, nêweşxane de birîndarî bi hawayo hovane ameyî qetilkerdiş. Nê qetlîyamî kerdî malzemeya weçînayîşî. Xora şar bawerîya xo nînan rê nêano û ganî tesilî cigêrayîş bêro kerdiş. Rêxistinê sîvîlî, Baro û Komeleya Heqê Merdiman ke şîyayîşê înan ame astengkerdiş, ganî reyna şêrî û bibî vengê şarî.”
Turkî dewamê qiseykerdişê xo de wina va: “Hukmat û çapemenîya hetgire HDP hedef nawitî. Ewro vanî ‘HDP kerdo, PKK kerdo’ labelê şar bawerîya xo bi nê îftîrayan nêano. Êdî dinya zana ke se beno, kurdî çi cuyenî. Ewro binê na raştîye de mendî. Ê se bikerî zî şar do qet nê qetlîyamî xo vîra nêkero. Şar bi hawayo baş sebebanê nînan zano.”
Ma do hîna zafêr rayan bigîrî
Turkî peynîya qiseykerdişê xo de va ‘Ma zîhnîyeto ke HDP sey dişmenî vîneno reyde têrî yî’ û wina qedêna: “HDP her ke şono bihêz beno. HDP destekê kurd, tirk, elewî, bindest û yê wayîrê wijdanan gêno û her ke destekî gird benî, bi îftîrayan hewl danî zirar bidî HDP. Ez bawer kena ke beşdarbîyayîşê şarê ma yê Ewropa bihêz bibo. Ma do 7ê Hezîrane ra zêde rayan bigîrî.”
ANF / STENBOL